Мәктәптә лагерь ачылу тантанасы булды, балаларны яклау көне билгеләп үтелде.

Мәктәптә уку елы тәмамлануга, балаларның җәйге ялын оештыруга багышланган ата-аналар җыелышы узды.

"Укучының иң яхшы мәдәни көндәлеге" конкурсында җиңүче булган 2 нче сыйныф укучысы Мингалиев Әмир Казан шәһәрендә экскурсиядә булды.

  Бүген чыгарылыш сыйныф укучылары өчен соңгы кыңгырау яңгырады.Соңгы кыңгырау ул, мәктәпне тәмамлап, зур тормышка, олы дөньяга юлланган егетләр һәм кызларны алдагы көннәрнең гаҗәп матур да, тынгысыз да, соклангыч һәм авыр да булачагын искәртеп тора кебек. Бу чың аларның кадерле укытучылары белән хушлашу авазы. Мәктәп үзенең тагын бер чыгырылыш сыйныф укучылары белән хушлашты. Хәерле юллар аларга!

Укучылар бүген чишмәләрне чистартып, тирә-якларын чистартып куйдылар.

26 нчы апрель – татар шагыйре Габдулла Тукай туган көн – Татарстанда күркәм традициягә әверелеп, Туган тел көне буларак билгеләп үтелә. Бу көнне мәктәптә елдагыча Шигърият бәйрәме узды.

21 нче апрель - җирле үзидарә көне дип билгеләп үтелә. Шул уңайдан мәктәптә “Җирле үзидарә” дәресе үткәрелде.  Дәрестә җирле үзидарә җитәкчесе Сәгытдинов М. С. та катнашты.

Сәмәкәй төп гомуми белем бирү мәктәбендә Бөек Ватан сугышына багышланган хәрби-патриотик җыр смотр - конкурсы узды. Нәҗметдинов Ф. Ш. җитәкчелегендә әзерләнгән безнең мәктәп укучылары командасы икенче турга уздылар. Афәрин, укучылар!

    Безнең тагын бер язгы бәйрәмебез бар. 12 апрель Космонавтика көнен билгеләп үтәбез. 1961 нче елның 12 апрелендә, дөньяда беренче буларак, бортына кеше утырган “Восток” космик корабле җир тирәли орбитага чыгарылды. Бу кеше-очучы космонавты Юрий Алексеевич Гагарин. Ул илебез хөкүмәте тапшырган эшне үтәде.Узган гасырны галимнәр,язучылар һәм журналистлар төрлечә атадылар: атом гасыры, генетика гасыры, кибернитика гасыры һ.б. Иң еш кулланыла торган торган атама “Космик гасыры”булгандыр. Чыннан да,1957 нче елның 4 нче октябрендә Советлар Союзында Җирнең беренче ясалма иярчененең тиешле орбитага чыгарылуы күпләр өчен көтелмәгән вакыйга, могҗиза булды.Ясалма күк җисеме зур да, авыр да түгел иде: диаметры 580 мм, массасы 83,6 кг. Совет иленең космостагы көмешсыман ак шар рәвешендәге беренче “вәкиле” нең , 15 һәм 7,5 метрлы дулкында эшләгән ике радиотапшыргычы яңгыраган “бип-бип” дигән сигналлары космик эра башлануы турында игълан итте.

    Мәктәптә Ханова Ф. Г. җитәкчелегендә  Космонавтика көненә багышланган кызыклы һәм эчтәлекле викторина узды.