Без бүгенге көнне бик тә көтеп алдык. Без бүген 3D форматында "Чудо-Юдо" мультфильмы  карадык. Фильм белемле булырга, мәктәптә алган белемне тормышта кулланырга өйрәтә. Соңыннан спорт уеннары  уйнадык.

Иртәбез сәламәтлек дәресеннән башланды. Тәкыя Хисамутдиновна "Чисталык һәм сәламәтлек" дигән темага әңгәмә үткәрде. Соңыннан авыл китапханәсенә бардык. Китапханәче Фәния апа "Татарстанның Кызыл китабы" дигән темага викторина уздырды. Сорауларга Хәлил Борганов, Ирек Салимов, Азалия Хабибуллина актив җавап бирделәр. Клуб хезмәткәрләре белән берлектә ""Без сәламәт яшәү рәвеше сайлыйбыз" дигән тема астында уеннар оештырдык.

Бүген - Бөек Ватан сугышы башланган көн. Ил тарихына иң кайгылы көннәрнең берсе булып кереп калган, кара хәрефләр белән язылган 22 июньне Хәтер һәм кайгы көне буларак билгеләп үтәбез. Шул уңайдан без ветеран укытучы Зәкиева Шәмсурый апаны очрашуга чакырдык. Очрашу мәктәбебезнең туган якны өйрәнү музеенда оештырылды. Шәмсурый апа безгә сугыш башланган көн, ул  елларның авырлыгы турында сөйләде. Бәйрәмне Советлар Союзы Герое Нурмый Хәләф улы Шәриповка куелган һәйкәл янында дәвам иттек, һәйкәлгә чәчәкләр салдык.

Сегодня в пришкольном лагере МБОУ "Тл.Тамакская СОШ" прошло мероприятие, посвященное 100-летию сл дня рождения ВЛКСМ и приуроченное ко Дню Памяти- 22 июня. Почетным гостем мероприятия стала ветеран педагогического труда Закиева Ш.Х., которая в годы ВОВ была в рядах Ленинского комсомола. Литературно- музыкальная композиция, подготовленная вожатыми пришкольного лагеря и учащимися 3-4 классов, прошла в школьном краеведческом музее. В конце мероприятия были возложены венки к памятнику выпускника нашей школы- Героя Советского Союза Н.Х.Шарипова. В этот день ребята узнали много интересного о комсомольцах= героях Великой Отечественной войны.

Иртәбез "Күзләребезне саклыйк" дигән темага сәламәтлек дәресеннән башланды. Иртәнге аштан соң татар халкының гореф-гадәтләре турында әңгәмә үткәрелде.Авылыбызда урнашкан "Фәйзрахман" мәчетендә Нияз хәзрәт бу теманы дәвам итеп безгә дин сабаклары бирде. Төшке аштан соң "Милли бәйрәмнәр" темасына "Могҗизалар кыры" уены үткәрелде.

Иртәбез сәламәтлек дәресеннән башланды. "Аякларның аруын ничек бетерергә" дигән әнгәмә үткәрдек. Иртәнге аштан соң чишмәгә походка киттек. Анда төрле уеннар уйнадык, чишмә янын чүп үләннәреннән  чистарттык. Төшке аштан соң әдәби китаплар укыдык, татар халык уеннары "Йөзек салыш", "Ал кирәк, гөл кирәк","Арка сугыш" уеннарын уйнадык.

Иртәне "Сәламәт тәндә- сәламәт акыл" дигән сәламәтлек дәресеннән башладык. Вожатыйларыбыз  тормыш иминлеге  кагыйдәләренә багышланган әнгәмә үткәрделәр, юл йөрү кагыйдәләренә кагылышлы уеннар уйнадык. Соңыннан авылыбызда урнашкан янгын сүндерү депосына экскурсиягә бардык. Янгын сүндерүче Марс Лутфуллин безне андагы хезмәткәрләрнең киемнәре, эш кирәк- яраклары белән таныштырды. Марс абый безне җитезлектә дә сынады: командага бүленеп су ташыдык, аркан тартыштык, вакытка янгын сүндерүчеләр киеменә киендек. Иң өлгерләр татлы призларга ия булды. Көнебез бик файдалы үтте.

Иртәнге аштан сон тәрбияче Шарафутдинова Р.Р. "Олимпия уеннары тарихы" дигән темага әңгәмә үткәрде, уен төрләре белән таныштырды. Соңыннан авылыбызда урнашкан картлар һәм инвалидлар йортына "Хәерле көн телим дусларга" дигән концерт программасы белән кунакка кердек. Анда Динара Галиева, Нияз Хикматуллин үзләренең матур җырларын башкардылар, Рүзинә Яхина, Хәлил Борганов нәфис сүз сөйләделәр, кызлар һәм малайлар парлашып та җырладылар. Өлкәннәр безне бик яратып, тагын килүебезне көтеп калдылар. Төшке аштан соң саф һавада хәрәкәтле уеннар уйнадык. Көнебез кызыклы һәм файдалы үтте.

һәр кешенең туган җире, авылы үзенә кадерле. Без туган авылыбызны бик яратабыз, аның гореф-гадәтләрен хөрмәт итәбез, кадерләп саклыйбыз. Тәрбиячеләребез Гайнутдинова З.С, Гимазетдинова Э.С., Шакурова Т.Х., Шарафутдинова Р.Р. үткәргән "Минем кече Ватаным" дип аталган бәйрәм кичәсендә без шул турыда сөйләштек. Татар халкының иң яраткан бәйрәмнәренең берсе булган Сабантуй бәйрәме турында әңгәмә үткәрдек. Соңыннан Сабантуйга бүләк җыю йоласын сәхнәләштердек, сабантуйның күрке булган милли уеннар уйнадык.

Бездә бүген матурлык көне. Иртәнге аштан соң тәрбиячеләр  Гайнутдинова З.С. һәм Шарафутдинова Р.Р.  тышкы һәм эчке матурлык турында әңгәмә үткәрделәр. Матурлыкны күрә, аны тудыра белгән кеше беркайчан да җинаять кылмас, кеше хезмәтен бәяли, хөрмәт итә белер. Кешенең тышкы кыяфәте дә зәвыклы  булырга, ул матур, чиста, пөхтә, үзенә килешле итеп киенергә тиеш. Әлеге сөйләшүдән без шундый нәтиҗә ясадык. Шулай ук төрле милләт киемнәре, гореф- гадәтләре турында видеоролик карадык. Соңыннан актлар залында тәрбиячеләр Гимазетдинова Э.С. һәм Шакурова Т.Х.  "Матурлык салонында" интеллектуаль уены үткәрделәр.  Бәйрәмне төрле милләт биюләре бәйгесе белән төгәләдек.