20 нче июньнән 10 нчы июльгә кадәр мәктәптә "Кояшкай" мәктәп яны лагере эшләде. Анда 25 бала ял итте. Лагерь вакытында балалар бассейнга, карусельгә, Яр Чаллы шәһәр музеена бардылар.

12 май-Бөтендөнья агач утырту көнендә безнең мәктәп укучылары авыл янында нарат полосасы утыртты. Укучылар көче белән барлыгы 300 төп нарат утыртылды.

Бәхетен эзләп әллә кайларга чыгып китмәгән Азат Сәйфетдинов. Ул Биклән авылында яши. Югыйсә Чаллы педагогия институтының математика һәм информатика бүлеген кызыл диплом белән тәмамлаган өметле белгечне шәһәр мәктәпләренә дә бик теләп кабул иткән булырлар иде. Хәер, әле мәктәпне тәмамлаган чакта ук фикере анык була Азатның: югары белемле укытучы булып туган авылына әйләнеп кайту – әби-бабасы, әти-әнисе яшәү көче биргән нәсел агачының тамырларын кузгатмыйча, туган нигездә төпләнеп калу.

Уфада 1995-1997 елда туган егетләр-кызлар арасында билбау көрәше буенча Россия беренчелеге үтте. Анда районыбыз спортчылары да бик матур нәтиҗәләргә ирештеләр.

Биклән урта мәктәбенең IX сыйныф укучысы Алсу Сәфиуллина бу ярышта 52 килограмм үлчәү авырлыгында II урынга чыкты.

28 февральдә район хакимиятенең утырышлар залында ел укытучысын билгеләделәр. Район мәгариф бүлеге башлыгы Рамил Исаев җитәкчелегендәге махсус комиссия алдында сынау тоткан иң көчле биш мөгаллимә арасында Биклән урта мәктәбенең чит телләр укытучысы Алсу Мөбарәкшина җиңүче дип танылды.

Бу исемгә дәгъва кылган 14 конкурсант өч турда көч сынашты. Иң элек район мәгариф бүлегендә махсус комиссия аларның педагогик эш алымнарын һәм эш нәтиҗәләрен күрсәткән документлар тупланган портфолиосын җентекләп карады, нәтиҗәдә мөгаллимнәрнең бишесе икенче турга үтте. II тур Бәтке урта мәктәбендә узды. Кече Шилнә урта мәктәбенең тарих укытучысы Светлана Беспалова, Круглое Поле урта мәктәбенең башлангыч сыйныф укытучысы Эльмира Тимергалина, Яңа поселогының чит телләр укытучысы Айгөл Ризатдинова, Кнәз урта мәктәбенең биология укытучысы Любовь Ерхова, Биклән урта мәктәбенең чит телләр укытучысы Алсу Мөбарәкшина әлеге мәктәп укучыларына комиссия әгъзалары алдында ачык дәресләр бирде, сыйныф сәгатьләре уздырды, тәрбия барышында туган педагогик проблемаларны чишү, төрле хәлләрдән чыгу юлларын күрсәттеләр.

6 января в центральном шахматно-шашечном клубе города Набережные Челны прошли районные соревнования по шахматам и шашкам на приз Талгата Бахтигареева. Ученица 9 класса Ситдикова Лейсан заняла первое место по шахматам среди девушек, учительница татарского языка и литературы Якупова Лилия Халимовна также заняла первое место по шахматам среди женщин. Поздравляем с победой!

Консультация по обществознанию, подготовка к олимпиаде.