Халыкара туган тел көне кысаларында, «Сабый» балалар бакчасында «Әкияттә кунакта» дигән темага рәсем күргәзмәсе оештырылды, шулай ук өлкән яшьтәге балалар өчен педагоглар «Безнең туган тел» дигән темага әңгәмә һәм «Халык уеннары белгечләре» викторинасы оештырдылар, урта яшьтәге балалар «Минем Туган илем» альбомнарын карадылар, туган телдә шигырьләр сөйләделәр. Кече яшьтәге балалар татар теле кабинетында булдылар, анда халык костюмнарында курчакларны һәм татар түбәтәйләрен карадылар. Болар барысы да балаларда туган якка мәхәббәт, үз Ватаны, үз халкы турында күбрәк белү теләге тәрбияли.