Бүген безнең «Сабый» балалар бакчасында татар халкының язгы бәйрәме  «Карга боткасы» узды. Чараның максаты-татар халык традицияләре белән танышу һәм әйләнә-тирәлеккә сак караш тәрбияләү. Бәйрәмдә балалар Мияүҗан белән бергә, закличкалар сөйләделәр, җырлар җырладылар, халык уеннары уйнадылар, табышмаклар чиштеләр. Чара ахырында балалар, традиция буенча, җирдә тынычлык булсын, беркайчан да сугышлар булмасын, һәрвакыт кояш балкысын, кошлар җырласын, инешләр чабсын, яшел үләннәр чабсын, урмандагы агачлар һәм җәнлекләр үлмәсен, чәчәк атсын өчен, ленталар бәйләделәр.