Мәктәпкәчә яшьтәге балаларны табигать почмагындагы үсемлекләр белән таныштыруның төп бурычы-балаларда бүлмә үсемлекләре дөньясына карата актив кызыксыну уяту. Балаларның бүлмә үсемлекләренә турыдан-туры якын булуы үсемлекләрне күзәтүне, тәҗрибә, бүлмә үсемлекләрен карау буенча хезмәт оештыруны, дәресләр системасын теләсә кайсы вакытта оештырырга мөмкинлек бирә. Бүген урта төркем тәрбияләнүчеләре белән бүлмә үсемлекләре турында әңгәмә үткәрелде. Балалар үсемлекләр артыннан карарга кирәклеген белделәр,аларга бик күп яктылык һәм җылылык кирәк. Балалар өлкәннәр белән бергә җирне дөрес йомшартырга, чәчәкләр сибәргә, яфракларны тузаннан юарга өйрәнделәр.