Безнең балалар бакчасында Өлкәннәр көнен билгеләп үтү матур традициягә әверелде. Бу көн-йөрәк җылысы, көч биреп эшләгән, яшь буын, үз балалары һәм оныклары белән уртаклашкан тәҗрибә өчен рәхмәт көне. Хөрмәтле кунаклар өчен балалар бакчасында тәрбияләнүчеләр һәм педагоглар концерт әзерләгән иде. Безнең кунаклар балалар чыгышын зур дулкынлану һәм горурлык белән күзәттеләр. Барлык чыгыш ясаучыларны да алкышлар белән бүләкләделәр. Бәйрәм ахырында балалар бакчасында тәрбияләнүчеләр кунакларга үз куллары белән ясалган бүләкләр тапшырдылар. Бергәләп чәй эчү бик күп уңай эмоцияләр тудырды. Бу бәйрәм барыбызның да хәтерендә озак сакланыр дип ышанабыз. Мондый очрашулар балаларда әхлакый сыйфатлар тәрбияли.