Бүген безнең мәктәп укучылары урман утыртырга бардылар

Укытучы... Бүген галим дә, ташчы да, иген игүче дә олы исемең алдында баш ия, чөнки теләсә кайсы һөнәргә юл башы синең фидакарь хезмәтең нәтиҗәсендә салына. Син дөньядагы барлык уңай сыйфатларны үзеңә туплагансың. Киң күңеллелек, тырышлык, кешеләргә чиксез мәхәббәт... Синдәге сабырлык аналар сабырлыгына тиң. Юкка гынамы сине әниләребез белән тиңлибез. Шушы катлаулы чорда да көндәлек мәшәкатьләрне бер читкә куеп, башкалар өчен яшисең. Авыр, ләкин дөньядагы иң кирәкле хезмәтне бар көчеңне куеп башкарасың. Нарасый күңеленә син чәчкән игелек орлыклары шытымнар бирсен, үссен, корымасын иде.

Укытучы, Сезгә сабырлыклар

Бирелгәндер, ахры, Ходайдан.

Бәхет, уңыш Сезгә юлдаш булсын

Мактаулы һәм юлларда.

1 октябрь - Өлкәннәр көнен зурлап билгеләп үттек.

Югары сыйныф укучылары өчен мәктәбебездә "Көзге бал" үткәрелде.Төрле конкурслар, уеннар, җырлар, биюләр белән кичә бик күңелле үтте. Шулай ук һәрбер сыйныф үз табынын әзерләгән иде. Барлык кунаклар да көзге сый-хөрмәттән авыз итте. Ә соңыннан укучылар өчен көзге дискәтүк оештырылдды  

3 сентябрьдә Терроризмга каршы көрәштә теләктәшлек көне билгеләп үтелде. Сыйныф җитәкчеләре "Экстремизмга - Юк!" дигән темага дәресләр үткәрделәр. ТИН укытучысы Галәветдинов Р.Р. укучыларны янгын куркынычсызлыгы кагыйдәләре белән таныштырды. Бу көнне эвакуация чаралары оештырылды һәм үткәрелде.

Беренче сентябрь көнне безнең мәктәптә белем бәйрәменә багышланган тантаналы линейка узды. Танатанада Спас мәшгульлек үзәге җитәкчесе Газизулла Нуруллович, Ямбакты авылы җирлеге башлыгы Ринат Канифуллович һәм башка кунаклар катнашты. Быелгы уку елында 45 укучы белем алачак. 16 укытучы белем бирәчәк. Беренче дәрес "Тынычлык һәм куркынычсызлык" темасына багышланды.