27 апрель көнне мәктәбебездә район күләмендә үткәрелгән "Үткән сугыш кайтавазы" дип исемләнгән җыр фестивале булып узды. Фестиваль Бөек Җиңүнең 67 еллыгына багышланды. Барлыгы 16 мәктәп, 70 тән артык укучы катнашты. Бу чарага әзерлек ай дәвамында барды. Һәр класста класс сәгатьләре үткәрелде, класс почмакларына конкурс игъан ителде. Авылдашлар белән видеосюжетлар төшерелде. Фестивальгә сугыш чоры балалары, тыл хезмәткәрләре чакырылды.  Кунаклар арасында район мәгариф бүлегенең төп белгече Игъламова Альфира Фоатовна, Ямбакты авыл җирлеге башлыгы Гафуров Ринат Канифуллович та бар иде.

12 нче марттан 17 сенә кадәр мәктәптә "Биология, география, тарих" атналыгы үтте. 

1994 нче елда туган һәм аннан яшьрәк яшьүсмерләр арасында волейбол буенча "Олимп" спорт мәктәбе беренчелегенә оештырылган район ярышында безнең команда I урынны яулады.Команда составында 11 сыйныф укучылары Сибәгатов Әлфинат, Гәбделганеев Айнур, Ибәтов Ленар, Гатауллин Фаиль, 9 сыйныф укучылары Галәветдинов Рифат, Хәйруллин Раиф, Фәйзетдинов Дәниф һәм 6 сыйныф укучысы Галәветдинов Алмазлар иде. Ярыш бик киеренке булды. Безнең команда егетләре 9 команда арасында беренчелекне яулап, үзләренең осталыкларын, җитезлекләрен күрсәттеләр. Молоды, егетләр! Сезгә тагын да уңышлар теләп калабыз.

25 нче февраль көнне хәрбиләштерелгән уен - "Аҗаган" уздырылды.

Ватанны саклаучылар көненә багышланган бәйрәмгә әтиләр гаиләләре белән чакырылды.

21 нче февраль - Халыкара Туган тел көне. Бу уңайдан мәктәбебездә чара үткәрелде. Бәйрәмдә укучылар туган телгә багышланган шигырьләр сөйләделәр, җырлар башкардылар.