16 гыйнвардан 21 гыйнварга кадәр мәктәптә "Математика, физика һәм информатика атналыгы" үткәрелде. Атналык кысаларында төрле конкурслар, мавыктыргач кичәләр булып узды. Информатикадан үткәрелгән "Информатика белгечләре" бәйгесе 8нче һәм 9 нчы сыйныфлар арасындагы ярыш формасында үтте. Ике команда да көчләренең тигез икәнен исбатладылар. Математикадан "Математика гүзәле" бәйгесендә 7 сыйныф укучысы Галәветдинова Илүзә җиңеп чыкты. 6 нчы һәм 7 нче сыйныфлар "Математик поезд"да көч сынаштылар. Физика фәне буенча "Могҗизалар кыры" үткәрелде. Биремнәр 2012 ел - Тарих елы уңаеннан галим-физиклар һзм аларның фәнгә керткән өлешләренә багышланды. Өй эше итеп катнашучы укучылар үзләре ясаган физик приборлар, үзләре чыгарган шигырьләр, физикага багышланган газеталар, кроссвордлар белән килделәр. Укучыларның үзләре әзерләп күрсәткән тәҗрибәләре барлык тамашачыларга бик ошады. Финалга 8 нче сыйныф укучысы Сафина Диләрә чыкты һәм супер уенда катнашты.

Атналыкта катнашкан бар укучыларга да рәхмәт белдерелде һәм бүләкләр тапшырылды. Анталыкны кызыклы итеп оештыручы укытучылар: Сафина Гөлчәчәк Гафурбаевна, Хөсәенова Гөлфия Якуповна, Галәветдинова Фаизә Әсәтовна.