Бүген бакчабызда районның ГИБДД вәкиле Вафина А.А. булып китте. Ул безнең белән юл кагыйдәләре өйрәнү буенча әңгәмә үткәрде, видеофильм күрсәтте. Юл йөрү кагыйдәләрен без дә даими өйрәнәбез. Хәтта аерым кабинет та җиһазладык. Әңгәмә кызыклы, эчтәлекле булды. Әле ул безгә дидактик материаллар һәм китаплар да бүләк итте.

Бүген авылыбызның мәдәният йортында зурлап "Бәрәңге бәйрәме" уздырылды. Бу бәйрәмдә балалар бакчасында тәрбияләнүче нәниләр дә актив катнашты. Без бәрәңгедән ясалган эшләнмәләр алып килдек, уеннарда катнаштык. Соңыннан авылыбызның уңган хуҗабикәләре бәрәңге ашлары белән сыйладылар.

Авылыбызда быел "Өлкәннәр көне" авыл җирлеге, мәктәп һәм балалар бакчасы көче белән үткәрелде. Дәү әниләребезне котлап шигырьләр өйрәндек, матур җырлар бүләк иттек.

Без әбине яратабыз,

Ул да безне ярата.

Якты йөзе, йомшак сүзе-

Бары да безгә карата.

Бүген безнең балалар бакчасында "Сөмбелә" - Уңыш бәйрәме булып узды. Балалар янына кунакка Көз кызы - Сөмбелә килде. Төрле ярышлар, дидактик уеннар берсен- берсе алыштырып кына торды Соңыннан көзге уңышлар белән сыйлану булды.

Бүген без бакчабызда балаларны яклау көнен үткәрдек. 

9-май илебездәге һәр кешенең иң яраткан бәйрәме. Шатлыклы һәм моңсу бәйрәм. Бу көнне без авылыбыз уртасындагы һәйкәлгә чәчәкләр куйдык, батыр авылдашларыбызны искә алу кичәсендә катнаштык.

Бөек шагыйребез Габдулла Тукайның бүген туган көне. Авылыбызның китапханәчесе Ләйлә апа аның турында бик эчтәлекле һәм файдалы чыгыш әзерләп килде. Соңыннан Г.Тукайның "Шүрәле" әсәре буенча төшерелгән мультфильм карадык

5 нче апрель- Бөтендөнья сәламәтлек көнен саф һавада уеннар уйнап билгеләп үттек. Бу көнне мәйданчыкта җепшек кардан сыннар әвәләдек, хәрәкәтле уеннар уйнадык, кар йомарлап аттык. Уйнап кергәч бакча хезмәткәрләре балаларны витаминлы ризыклар белән сыйладылар.

1 нче апрель - Бөтендөнья Кошлар көнен без бакчабызда файдалы эшләр белән билгеләп үттек. Әтиләребез арасында сыерчык оялары ясау буенча ярыш игълан иткән  идек. Алар барысы да бу бәйгедә теләп катнашты - безгә бик матур сыерчык оялары ясап бирделәр. Мәктәп укучылары технология укытучылары кул астында ул ояларны колгага куйдылар. Сыерчыкларны түземсезлек белән көтәбез!

21 март көнне бакчабызда Нәүрүз бәйрәме үткәрдек. Кунакка Нәүрүзбикә һәм Кыш бабай килде. Җыр-бию, уен-ярышлар берсен берсе алмаштырып кына торды.

Ел саен үткәрелә торган бу бәйрәмне бакчада тәрбияләнүчеләр дә, мәктәп укучылары да көтеп ала. Карачкы яндырып, коймак һәм Нәүрүз боткасы ашап бәйоәмне урамда дәвам иттек