Бүген без ел саен зурлап үткәрелә торган "Нәүрүз" бәйрәмендә катнаштык. Бу бәйрәм Нәүрүз белән Кыш бабайның көч сынашуы, уеннар, ярышлар һәм Нәүрүз боткасы белән сыйлану белән истә калыр. Ямьле язлар җитүгә без бик шатланабыз.

В соответствии с планом работы с целью выявления и анализа системных проблем  в сфере реализации прав ребенка на семью и семейные связи, оказания гражданам консультативной помощи по данным вопросам    22 марта 2019 года  с 9.00 до 16.00 года  в Аппарате Уполномоченного по правам ребенка в Республике Татарстан будет организована работа «горячей линии» по телефонам 8(843) 236-61-26,  236-61-24, 236-61-49.

В рамках телефона «горячей линии» можно будет задать вопросы, касающиеся  ситуации семейного неблагополучия, профилактических мер по его недопущению, соблюдения прав детей-сирот и детей, оставшихся без попечения родителей, из соблюдения прав ребенка в ситуации семейных конфликтов.

В работе телефона «горячей линии» запланировано участие представителей Аппарата Уполномоченного по правам ребенка в Республике Татарстан, Министерства образования и науки Республики Татарстан и Республиканской комиссии по делам несовершеннолетних и защите их прав.

8 нче Март бәйрәмен бакчабызда ел саен зурлап үткәрәбез. Быел да кадерле әниләрне, дәү әниләрне кунакка чакырдык. Мәктәп сәхнәсендә матур җырлар, шигырьләр белән алар өчен чыгыш ясадык. Үз кулларыбыз белән чәчәкләр ясап бүләк иттек. Соңыннан кунакларыбызны чәй табынында сыйладык.

Без балалар бакчасында Ватанны саклаучылар көненә карата әтиләргә бүләк ясадык. Мәктәп күләмендә оештырылган патриотик җыр конкурсында да катнаштык.

Бүген бездә кунакта авылыбызның китапханәчесе Ләйлә апа булып китте. Герой шагыйрь Муса Җәлилнең туган көне уңаеннан, аның әсәрләре белән таныштырды. Муса Җәлилнең яратып уйный торган уены - шахмат булган. Ләйлә апа безне шахмат уйнарга да өйрәтә башлады. Әңгәмә бик кызыклы үтте. Герой шагыйрь Муса Җәлил турында бик күп яңа мәгълүмат белдек.

Район күләмендә бара  торган "Кошларга ярдәм итегез" операциясенә без дә бик теләп кушылдык. Балалар бездә кышлаучы кошларны танып, участокка килгәннәрен даими ашатып торалар. Песнәкләр бигрәк тә туң май ярата, ә калган кошлар җимлектәге бөртекләр бедән сыйлана. Балалар аларны тәрәзә аша күзәтеп торалар, күбесен таныйлар да. Ә җимлекләрне әти-әниләребез ясап бирде.

Бүген бакчабызда искечә Яңа ел бәйрәме уздырдык. Чыршы янында ярышлар, уеннар, Кыш бабайның кунакка килүе - барысы да балалар өчен кызыклы булды. Кыш бабай биргән витаминлы ризыклар белән сыйландык. Чыршыбыз белән тагын бер елга саубуллаштык.

"Кыш көне кошларны яклыйк" акциясендә без дә катнаштык. Әтиләребез, дәү әтиләребез җимлекләр ясадылар. Без аларны бакчабыз мәйданчыгында элеп куйдык, кошларга җимнәр салдык.

"Әниләр көне" - ел саен балалар бакчасында зурлап үткәрелә торган бәйрәмнәрнең берсе. Әниләр кунакка килә дигәч, шигырьләрне дә, җырларны да тырышып өйрәнде балаларыбыз. Үз куллары белән бүләккә чәчәкләр дә ясадылар. Әниләребез дә уеннарда катнашты. Соңыннан гәпләшә-гәпләшә тәмләп чәй эчтек.

"Көзге боз - көзге юанлыгында булса да ышанырга ярамый". Без бу турыда бүген авылыбызның күлләре янына экскурсиягә баргач сөйләштек. Сулыклар янында куркынычсызлык кагыйдәләрен искә төшердек, боз өстенә керергә ярамавын бик яхшы аңладык.