Иске Рәҗәп урта мәктәбенең 9 сыйныф  укучысы Минхатыпова Алинә «Класс» дип исемләнгән Бөтенроссия конкурсында катнашты. Алинәгә бәхет елмайды , ул Мәскәүгә узенең «Мин төшемдә күрдем» дигән хикәясе белән финалга үтте.10-13 сентябрьдә Алинә  укытучысы Резедә Гомәр кызы Хәйруллина белән Мәскәү шәһәренә катнашырга бардылар. Барлык укулар, мастер-класслар «Азимут» кунакханәсендә үтте. Алинә группасының житәкчесе бу конкурсның жюри рәисе Майя Кучерская иде. Балалар бик тиз арада эссе язып тапшырырга тиеш иде. Алинәгә  «Син ничек шулай булдыра алдың?»(Как ты могла?)  дигән тема эләкте. Алинә монда да сынатмады, узенең эссесен табигатьне, хайваннарны ярату белән бәйләп уңышлы язып тапшырды һәм житәкченең югары бәясен алып приз белән буләкләнде. «Безне бик әйбәт каршы алдылар, бик тыгыз программа оештырганнар иде: Иске Арбат, Яна Арбат, Кызыл мәйданнарга бару,соңгы көнне безгә Мәскәу елгасы буйлап теплоходта онытылмас экскурсия оештырдылар»-дип сөйли Резедэ Хәйруллина. Алинә Россия Мәгариф Министрлыгының регионара жиңучесе дигән Грамота белэн буләкләнде, ә укытучы укучыны конкурска әзерләгәне өчен Рәхмәт хаты белән буләкләнде.