178 нче мәгариф үзәгенең татар теле һәм әдәбияты укытучысы Латыйпова Зәлия Райнуровна XIV Республикакүләм “Иделем  акчарлыгы” конкурсының “Балалар әдәбияты” номинациясендә III урынга лаек булды. Котлыйбыз!!!

    “Иделем акчарлагы” проектына быел 85 яшь иҗатчыдан гаризалар кабул ителгән. Шуларның 43е конкурсның III турына уза алган. Казан каласында 13-16 ноябрь көннәрендә татарның яшь каләм тирбәтүче конкурсантларның язмышлары хәл ителде. Татарстанның бер төркем язучылары, ягъни жюри әгъзалары, яшьләр эшләрен поэзия, проза, драматургия, балалар әдәбияты, детектив номинацияләре буенча тикшерде. 13 ноябрь көнне финалга узган конкурсантлар “Идел” лагерына җыелды, Татарстан Язучылар берлеге бинасында тантаналы чара да үткәрелде.

      Татарстан Яшьләр эшләре, спорт һәм туризм министрлыгы, “Идел” яшьләр үзәге тарафыннан 2000 елдан бирле оештырылып килүче “Иделем акчарлагы” ел саен оештырыла. Бәйгенең максаты: каләм тибрәтүчеләр арасында сәләтле яшьләрне ачыклау, берләштерү, иҗади активлаштыру, яшь язучыларның иҗади мөмкинлекләрен чынга ашыру, үстерүгә шартлар булдыру.
      Бәйгенең нәтиҗәләре буенча иң яхшы әсәрләр «Иделем акчарлагы» әдәби җыентыгында урын алачак . Киләчәктә бу җыентыкны төрек телендә дә нәшер итеп, яшьләрнең чит ил укучыларына да барып җитәселәре килә.

      Туган як, мәхәббәт, җавапсыз мәхәббәт - бу темаларны “Иделем акчарлагы” конкурсында катнашучы яшьләр күтәрә. Дөрес, күңел түрендә йөрткән башка фәлсәфи темаларны, чын хакыйкатне яшь каләм тирбәтүчеләр, тәҗрибә туплый-туплый саклык белән генә халыкка җиткерә башлый, анысы....