Туган телләр айлыгы кысаларында 3 нче апрельдә 5 А сыйныфы укучылары (сыйныф җитәкчеләре Тарасов И.А.) Яңа Камал тетрында  беренче мәртәбә экскурсиядә булдылар. Театрыбыз зәвыклы, милли, иркен, заманча, милли бизәкләр белән бизәлгән. Экскурсовод укучыларны бинада урнашкан төп зал, көнчыгыш зал, универсаль зал һәм  камера залы белән таныштырды. Бинаның универсаль залы каршында милли киемнәр – 3 “Алтын битлек” күргәзмәсе  һәркемне хәйран калдырды. Камера залы тәрәзәләреннән Кабан күле күренеп тора.      

        Татарстан Рәисе Рөстәм Миңнеханов:”Башкалабыз бриллианты булган яңа театр бинасын республиканың үзәге генә түгел, ил үзәге итү мөмкинлегеннән кулланырга кирәк”, - дип белдерде. Россия театры әһелләре союзы рәисе Владимир Машков “Алтын битлек” театраль премиясе тапшыру тантанасы беренче тапкыр Мәскәүдән читтә - Казанда уздырылачак дип хәбәр итте.

      Укучылар мәгърур бинага горурланып кайттылар.  «Театр –яктылыкка, нурга илтә, Кире  юлга җибәрми, уңга илтә”! Бөек Тукаебыз язып калдырган әлеге сүзләрнең дөреслегенә торган саен ныграк инанасың.