Республиканың күпмилләтле халыклары бердәмлеге мәсьәләсенә зур игътибар биреп, 2021 ел Татарстанда туган телләр һәм халыклар бердәмлеге елы дип игълан ителде. Укучыларны рухи​ мәдәният традицияләренә тарту, Татарстан халыклар ассамблеясе каршында эшләп килүче Күпмилләтле Якшәмбе мәктәбе укучылары иҗаты белән таныштыру  максатыннан Халыклар Дуслыгы йортына экскурсия оештырылды.

Татарстанның Халыклар Дуслыгы йортында Күпмилләтле якшәмбе мәктәбенең  25 еллык юбилее кысаларында үткәрелгән бәйрәмдә лицеебызның “Сәләт” театр студиясе укучылары кунакта булды.  Бәйрәмдә әфган, чуаш, башкорт, керәшен, корея, һинд, гарәп, төрек, әзербайҗан, әрмән, төрекмән, грузин бүлекләре үзләре әзерләгән чыгышларын күрсәттеләр. Сәхнәдә  җырлар җырланды, биюләр башкарылды. Укучылар төрле милләтләрнең  дус-тату яшәвен күрде һәм  алар белән аралашырга да  өлгерде. Аларның һәрберсе үз мәдәниятен, йолаларын саклап калырга тели. Милләтебезне һәм традицияләрне саклау безнең өчен бик мөһим бурычларның берсе.  Милләтне һәм гореф-гадәтләрне саклау, беренче чиратта, туган телне саклаудан башлана.