28 нче апрель  көнне  Казан  шәһәре Совет районының  Абдулла Алиш исемендәге 20 нче гимназиясендә " Алиш эзләреннән"  исемле IV төбәкара фәнни-гамәли конференциясенең йомгаклау кичәсе узды. Бу чара быел  дүртенче тапкыр уза һәм анда  катнашучылар  саны   артып  кына калмый

(быел 850 укучы катнашкан), аның географиясе дә киңәя. Конференциядә чит төбәкләрдән килгән укучыларның   булуы,  аның  дәрәҗәсен күтәреп, дөнья киңлегенә алып чыга.

Бүген соңгы көне. Күзли Алиш

Шигъриятнең яңа галәмен.

Күрче, күпме  яңа алмаш килә

Мул балкытып шигъри каләмен!  - дип яза А.Алишның туганы Азат абый Сөнкишев. Әдәбият сөюче, иҗатка тартылучы балалар булганда телебезнең, илебезнең киләчәге  өметле.

 Тантанада  2 нче турга узган укучылар, мөгаллимнәр һәм мәртәбәле кунаклар: 

 Исмагилова Гөлназ Хәмзә кызы, ТР мәгариф һәм фән министрлыгының  милли мәсьәләләр буенча идарә башлыгы;

Шәмсетдинова Рәсимә Равил кызы, ф.ф.к., Татарстан Республикасының мәгарифне үстерү институты доценты, ф.ф.к.;

Зиннатуллин Раиф Кәримулла улы, Казан шәһәре мәгариф  идарәсенең   методисты;

Әнвәр  Нуриәхмәт улы Хуҗиәхмәтов, педагогика фәннәре докторы, академик, Татарстан Республикасының атказанган укытучысы, халык мәгариф отличнигы;

Йолдыз Әдип кызы Шәрапова, балалар язучысы, Абдулла Алиш исемендәге премия лауреаты

Фәйрүзә Әсгат кызы Мөслимова, шагыйрә, Абдулла Алиш исемендәге премия лауреаты;

Ләбиб Лерон, язучы, журналист, Татарстанның атказанган сәнгать эшлеклесе, Ш.Маннур, А.Алиш, М.Җәлил исемендәге премияләр  лауреаты, “Безнең мирас” журналының баш мөхәррире  һәм А.Алишның туганнары:

Алишев Илдар Абдулла улы, педагогик фәннәре  кандидаты, Яр Чаллы педагогика университетының  доценты, Азат һәм Гөлшат Сөнкишевлар, Алишева Фаина Александровна, Алишева Фәридә Галимҗановна катнаштылар.

Чарада  җәлилчеләрне, А.Алишны бер минутлык тынлык белән искә алдылар. Җырлар-биюләр белән үрелеп барган һәм Бөек Җиңү алдыннан узган тантана  күңелләрдә  бик җылы тәэсирләр  калдырды.

   Татар халык шагыйре Габдулла Тукай (Габдулла Мөхәммәтгариф улы Тукаев) 1886 елның 26 апрелендә элекке Казан губернасы Мәңгәр волосте (ТАССР Арча районы) Кушлавыч авылында туа. Татар дөньясында  Г.Тукайны белмәгән кеше юктыр.Аның иҗаты белән олысы-кечесе таныш. Балалар китапларын яратып укыйлар. Аңа багышлап шигырьләр иҗат итәләр.

 " Илебездә, телебездә, күңелләрдә Тукай мәңгелек " исемле шәһәр бәйгесендә 8 нче сыйныф укучысы Егорова Ландыш ( укытучысы- Зарипова М.Г.)  катнашып, III  дәрәҗә Дипломга ия булды ( Казан шәһәре мәгариф идарәсенең 10.04.2017 нче елның  294 нче боерыгы).  Котлыйбыз!

" Татарстан Республикасы гомуми белем бирү оешмаларында дәүләт телләрендә иң яхшы укыту тәҗрибәсе - Лучшая практика преподавания на двух государственных языках в Республике Татарстан" Грантына 75 мәктәп дәгъва кылган. Шуларның 10 сы  җиңүче дип табылган.  Алар арасында гимназиябезнең  булуы- безнең өчен бик зур шатлык һәм горурлык!

  Бу мәртәбәле һәм олы җиңү белән директорыбыз Арсланова  Рәхимә Минвалиевнаны, гимназия коллективын чын күңелдән   котлыйбыз һәм  киләчәктә дә яңадан-яңа уңышларга ирешүләрен  телибез!

  13 нче апрель  көнне гимназиядә " Татар теле һәм  татар әдәбияты дәресләренә заман таләпләре" дигән республика семинары узды. Укытучылар дәресләр  белән бергә  дәрестән тыш эшчәнлек чаралары да  карадылар. Бөтенроссия " Иң яхшы татар теле һәм татар әдәбияты укытучысы-2017 " бәйгесе җиңүчесе Галиева Гөлназ Шамил кызының мастер-классында актив катнаштылар. Шулай ук гимназиядә музей педагогикасын тормышка ашыру кысаларында

" Милли мирас", " Алиш варислары", " Мәңгелек хәтер", " Иске татар бистәсе" музейлары белән дә таныштылар. Түгәрәк өстәлне филология фәннәре кандидаты, КФУ ның  Г.Тукай исемtндәге татар һәм төрки Югары мәктәбе доценты Ә.Р.Мотыйгуллина алып барды. Семинар эшлекле төстә узды.

   Апрель ае безнең гимназия өчен бик уңышлы айларның берсе булды. Республика " Дулкыннар" бәйгесендә " Сәлам"  ансамбле  II урынны яулады, " Без бергә" исемле республика бәйгесендә гимназия укучылары шулай ук II нче урынга лаек булдылар. Ел да шәһәр күләмендә уза торган " Озын  тәнәфес - Большая перемена" бәйгесендә катнашып, укучылар коллективы шәһәр турына чыгып,  Дипломга ия булдылар, өч  иҗади чыгышыбыз ( Казанцев К. , " Сәлам" ансамбле һәм Хәбибуллин Вилдан) лауреат дип табылдылар. 3 нче А  сыйныфы  укучысы Хәбибуллин Вилдан, гомумән  йомгаклау  концертында алып баручы ролен үтәде.

  Республика " Глобальләштерү- заман таләбе"  гуманитар фәнни-гамәли конференциясендә  10 нчы сыйныф укучысы Галиева Алия ( укытучысы- Хамидуллина Г.Н.) I дәрәҗә Дипломга ия булып кайтты. 

 Әле яңа гына рус теле укытучысы Хафизова Лилия Абдуллаҗановна җитәкчелегендә укучыларыбыз Санкт-Петербург шәһәрендә узган ачык " Үзеңдә галимне ач - Открой в себе ученого"  фәнни-инновацион конференциядә  катнашып, ике призлы ( III урын - Сафиуллина Динә, 8 кл., Галиева Аделина,8 кл., ) урын  яулап  кайттылар. Котлыйбыз!

6 нчы апрельдә узган VI  республика " Яшь лингвист" фәнни-гамәли конференциясендә катнашып, 9 нчы сыйныф укучысы Әүмәтова Адилә II дәрәҗә Дипломга ия булып кайтты. Укытучысы- Хафизова Лилия Абдуллаҗановна. Котлыйбыз!

Учитель математики Джаффарова Елена Николаевна с ученицей 6Б класса Шакирзяновой Дилярой съездила  в Санкт-Петербург. Они приняли участие во Всероссийском фестивале творчеких открытий и инициатив "Леонардо" и приехали с победой! Мы их поздравляем! Желаем  новых   побед!

Каникуллар җитүгә, балалар беренче көнне үк мәктәп яны  лагеренә  килделәр. Вакытны әрәмгә уздырмадылар. Төрле экскурсияләргә, экологик  үзәккә, спектакльгә барып  кайттылар. Гимназиябездә исә "Күңелле стартлар", "Бию марафоны", "Алтын куллар" ярышында катнаштылар. Гомумән, соңгы уку чирегенә яңа көч-дәрт туплап,  рәхәтләнеп ял иттеләр.

 Каникуллар булса да, гимназия укучылары тик тормады. Югары сыйныф укучылары  имтиханнарга әзерләнсә, башлангыч  сыйныф  укучылары  мәктәп яны лагеренә йөрделәр, ә иң истә калганы  язучы Рәфис Корбан белән очрашу булды. Балалар язучысы үзе турында сөйләде, укучыларга  төрле сораулар биреп, хәлләре белән кызыксынды, мавыктыргыч шигырьләр укып, балаларны китап укырга, белем алырга өндәде. Укучылар  Рәфис Корбанны  йотлыгып тыңладылар, үзләренең кызыклы сорауларын яудырдылар.Очрашу кичәсе матур үтте. Балалар бүләккә китап алып, автограф куйдырып,бик канәгать булып калдылар.