Хөрмәтле укучыларыбыз!

Без сезне яңа 2017-2018 нче уку елы белән тәбрик итәбез!

Сезгә яңа уку елында яңа уңышлар телибез! Зур тырышлык белән һәрвакыт яңа белем тупларга, күп белергә омтылыгыз!

Ә узган уку елында уңышларыбыз мулдан булды:

-безнең гимназия “Татарстан Республикасы гомуми белем бирү оешмаларында дәүләт телләрендә иң яхшы укыту тәҗрибәсе”  грантына ия булды;

- мөгаллимәбез Галеева Гөлназ Шамил  кызы  Бөтенроссия "Иң яхшы татар теле hәм әдәбияты укытучысы 2017” бәйгесендә җиңү яулады,

-Экология Министрлыгы тарафыннан уздырылган “ Татарстан уку йортларының 100 яшел почмагы” бәйгесендә уңыш  казанды;

- укучыларыбыз 23  - төрле дәрәҗәдәге, шуларның 3 се рус теленнән милли мәктәпләрдә укучы  Халыкара олимпиадасында призлы урынга ия булдылар ( ә 3 елга барлыгы  58  призлы урыныбыз бар) 

- 6 укучыбыз  Мәскәү, Санкт-Петербург шәһәрләрендәге ачык инновацион конференцияләрдә катнашып, зур  уңышларга ирештеләр;

- 11 нче сыйныф укучысы Юлдашев Ниез БДИ да информатика фәненнән  100 баллга ия булды.

 Киләчәктә дә барыбызга зур уңышлар юлдаш булсын!

Хөрмәтле укучыларыбыз һәм әти-әниләр!

25 нче август көнне сәгать 15.00 Гимназия ишегалдында очрашу көне узачак. Сез укытучыларыгыз белән күрешеп, яңа уку елында булачак яңалыклар, тәкъдимнәр белән таныша алырсыз. Сәгать 16.00 Космонавтлар урамы 2 нче йорт янында узачак "Балачак бәйрәменә" чакырабыз.

Приказ №  24                                                                           21.06.2017 

О зачислении в 1 класс

на 2017-2018 учебный год

На основании приказа Управления образования Исполнительного комитета г.Казани “О приеме детей в первые классы образовательных учреждений г. Казани”   № 67 от 23.01.2017г., приказа от 23.01.2017 № 68 «Об утверждении Методических рекомендаций «Об организации приема граждан на обучение по образовательным программам начального общего, основного общего и среднего общего образования  в учреждения образования  г.Казани»

Приказываю:

1.      Зачислить в 1-ый класс 2017-2018 учебного года следующих учащихся:

Основание: Заявление родителей.

Директор                                 Р.М.Арсланова

Хөрмәтле әти-әниләр!

Абдулла Алиш исемендәге 20 нче гимназия 1 нче сыйныфка  балалар кабул итүне дәвам итә.  2017-2018 нче уку елында  3 беренче  сыйныф ачарга ниятлибез. Бүгенге көндә тагын 10 баланы кабул итәргә мөмкинлегебез бар.

  9.00-17.00 сәг. кадәр мөрәҗәгать итә аласыз. Телефон:  272-36-42 . Адрес: Пионерлар урамы, 10 нчы йорт. 

                                    Рәхим итегез!

Көннәр яңгырлы булса да, безнең лагерь балалары моңсуланып утырмый. Бүген Каюм Насыйри исемендәге музейда кунак булып кайттылар. Музей хезмәткәрләре балаларга агач эшләнмәләре буенча мастер-класс күрсәттеләр. Агачтан эшләнгән бизәкләргә балалар сокланып карадылар һәм йотлыгып тыңлап тордылар, ахырда, үзләре дә  осталыкларын күрсәттеләр. Гомумән алганда, укучыларыбызга бик ошады. "Без әле тагын килербез!"- дип әйтеп киттеләр.

 Каникуллар җитте дә, “укучылар үзләренең мәктәпләрен онытты” дигән сүз юк бездә. Балалар гимназиябезнең “Тылсым иле” лагеренә  бик теләп йөриләр. Беренче көнне укучылар төркемнәргә бүленеп әйдәманнар белән танышсалар һәм отряд почмаклары ясасалар, калган көннәрне исә экологик  үзәккә, “Сәйдәш” мәдәният йортына, Үзәк китапханәгә, “Лядской  бакчасына”, "Горький" паркына бардылар. Алар өчен иң истәлеклесе- коткаручы МЧС хезмәткәрләре, кинологлар белән очрашу булгандыр, мөгаен. МЧС хезмәткәрләре балаларга коткаручы-этләрне, мастер-класслар күрсәттеләр. Үзләренең эшләре белән таныштырып, экскурсия үткәрделәр.

  Гимназиябезгә дә кунаклар килде. ГАИ испекторы Ильсөяр апалары юл йөрү кагыйдәләре турында  сөйләп, шул темага карата мультфильмнар күрсәтеп, балаларның белемнәрен тирәнәйтте. Лагерьда заманча конкурслар да оештырылды. Шуларның берсе “Селфи-битва”. Иң оригиналь фото өчен Ландыш Ринатовна балаларга тәмле бүләкләр таратты. Шуның өстенә укытучыларыбыз “Күңелле стартлар”, “Сәламәтлек эстафетасы”, “ Музыканы таны”, “Могҗизалар кыры”, “Биегез, балалар, биегез!” кебек конкурс-ярышлар, викториналар үткәрделәр. Гомумән, укучыларыбызның һәр минуты кызыклы һәм  мавыктыргыч  уза!

 Мәктәпләрдә кызу" урак өсте". Укучылар Бердәм дәүләт  һәмТөп дәүләт имтиханнарын бирәләр. Ата-аналар, укытучылар һәм укучылар үзләре дә  бик борчылалар. Укучыларыбызга уңышлар гына юлдаш булсын иде. Ә бүгенге көндә куанычлы хәбәрләребез юк түгел. Математиканың  база өлешендә  укучыларыбыз 100% сыйфат  күрсәттеләр. 11 нче сыйныф укучысы Юлдашев Ниез информатикадан, ә 9 нчы А  сыйныфы  укучысы Гобәйдуллина Ландыш  татар теленнән имтиханнарны 100  баллга  бирделәр.

  14 нче июнь көнне директорыбыз Арсланова Рәхимә Минвәли кызы Татарстан Республикасы Дәүләт Советының Мәгариф, мәдәният, фән һәм милли мәсьәләләр комитетының киңәйтелгән утырышында катнашты.Ул гимназиядәге уку-укыту, тәрбия торышы, инновацион проектлар, музей эшчәнлеге турында тәфсилләп сөйләде, аерым уңышларыбызга тукталды. Гимназиябез нәтиҗәле эшчәнлеген быелгы уку елында   Мәгариф һәм фән министрлыгының “Татарстан Республикасы гомуми белем бирү оешмаларында дәүләт телләрендә иң яхшы укыту тәҗрибәсе”  грантына ия булуы, Галеева Гөлназ Шамил кызының Бөтенроссия  "Иң яхшы татар теле hәм әдәбияты укытучысы- 2017” бәйгесендә җиңүе, Экология Министрлыгы тарафыннан уздырылган “ Татарстан уку йортларының 100 яшел почмагы” бәйгесендәге казанышы, укучыларның төрле дәрәҗәдәге фән олимпиадаларындагы 23 призлы урын яулаулары,  шуларның 3 - се Халыкара олимпиада  нәтиҗәсе;  6 укучының Мәскәү, Санкт-Петербург шәһәрләрендәге ачык инновацион конференцияләрдә катнашып, зур  уңышларга ирешүе белән раслады. Рәхимә Арсланова  милли мәгарифтә булган  проблемаларны да ассызыклап узды.

 Гимназия укучылары ел да   Халыкара олимпиадада катнашып уңышларга ирешәләр. Менә быел да рус теленнән узган Халыкара  олимпиадада 3 укучыбыз катнашып, призлы урыннар яулап кайттылар. Без чын күңелдән котлыйбыз: Сәйфетдинова Динәне( 8  нче сыйныф укучысы), Чернышева Аннаны ( 9 нчы сыйныф), Миндубаева Исламияне( 10 нчы сыйныф) һәм аларны укытып, олимпиадага әзерләгән югары категорияле рус теле укытучысын Хафизова Лилия Абдуллаҗановнаны !Киләчәктә дә зур уңышлар телибез!

 Каникуллар булуга карамастан гимназия тулы  тормыш белән яши. Мәктәп яны лагерендә 80 бала ял итә. Алар көн саен төрле чараларда катнашып, вакытларын күңелле уздыралар.

   7 нче июнь көнне " Укыту процессын оештыруда  фәнара технологияләр куллану" исемле республика  семинары узды.Бу семинарда Бариева Айгөл Ирековна, Хафизова Лилия Абдуллаҗановна, Валиева Илсия Яхиевна, Минимуллина Алия Хәбиевна мастер-класслар күрсәттеләр, Лебедева Лидия Владимировна укучыларыбызга экологик тәрбия бирү проекты буенча бик эчтәлекле чыгыш ясады, директорыбыз Арсланова Рәхимә Минвәлиевна гимназиядәге инновацион эшчәнлек һәм " Алиш варислары" музее белән таныштырды. Семинарда катнашучыларны  " Мәңгелек хәтер" һәм " Милли мирас" музейлары да кызыксындырды." Милли мирас" музеена танылган дизайнер Флера апа Калмурзина да чакырылган иде. Ул үзенең яңа проектлары һәм кул эшләнмәләре белән таныштырды.Гомумән, семинар эшлекле төстә узды һәм катнашучылар тарафыннан югары бәягә ия булды.