"Бердәмлек көне"

Укучылар өчен  - волейбол түгәрәге

Башлангыч сыйныф укучылары өчен  - пионербол түгәрәге

Шефлык эше

 Бүген беренче чирекне тәмамлауга багышланган гомуми линейка үткәрелде.  Линейкада   укучылар  беренче чирек йомгаклары һәм икенче чиреккә куелган бурычлар белән таныштырылды.    Укучыларга   куркынычсызлык  кагыйдәләре  буенча  инструктаж   үткәрелде,  каникул  вакытына  эш  планы белән  таныштырылды.Алдагы чиректә  укучыларга тырышып укырга, спортта һәм укуда артта калмаска дигән  бурычлар  куйды

Көзге бал

Илексаз мәктәбе укучылары һөнәрләр белән танышуны дәвам итеп,  кунакта почта хезмәткәре – Зарипова Гүзәлия Мирзиян кызының эш урынында булдылар. Авыл җирлегендә почтальон – һәр йортта көтеп алынган кунак ул.
Гүзәлия апа берничә ел дәвамында хат ташучы булып эшләп авылдашларының ихтирамын казанган.
Очрашуда укучыларга әлеге һөнәрнең бөтен нечкәлекләре белән таныштырды: аның авыр да, шул ук вакытта кызыклы да эш булуын сөйләп үтте ул.
- Авыл халкы почта таратканымны дүрт күзләп көтеп торалар. Мин аларга хат ташучы буларак кына түгел, сер сандыгы буларак та хезмәт итәм. Борчуларын гына бүлешеп калмыйм, кирәк чакта киңәшләремне дә биргәлим. Пенсия һәм пособие акчаларын тапшыргач, коммуналь һәм башка хез¬мәт¬ләр өчен түләүләрне дә кабул итәм әле.
Авыл кешесенең телевизор карап утырырга вакыты бик әз кала. Алар хуҗалыктагы эш¬ләрен тәмамлап, өйгә кер¬гәч, ял иткәндә рәхәт¬ләнеп газета-журналлар укып юаналар. “Сарман” газетасы аша районыбызның яңалыклары белән танышалар,, – дип сүзен дәвам итте Гүзәлия ханым.
Укучылар аңа үзләрен кызыксындырган сорауларны бирделәр. Гүзәлия апа алар күңеленә юл тапты: бу һөнәргә мәхәббәт уята алды.
Ни генә дисәң дә, почтальоннар – хат ташучылар без¬гә яхшы хәбәрләр, өр-яңа мәгълүматлар, яңалыклар алып килүчеләр алар.
 

Илексаз төп гомуми белем бирү мәктәбендә парламент дәресе үтте. Әлеге чарада беренчедән алып тугызынчы сыйныфка кадәрге укучылар катнашты.
     Укучылар алдында иң беренче булып авыл җирлеге депутаты Ризатдинов Габбәс Гайнетдин улы чыгыш ясады. Законнар ничек туа? Ничек гамәлгә керә? Менә шундый сорауларга җавапны үз эченә алган чыгышны балалар зур игътибар, кызыксыну белән тыңладылар. Депутаттан соң сүз җебен тарих фәне укытучысы Салихова Рәмзия Равил кызы алды: ул укучылар алдында кызыклы әңгәмә үткәрде. Чыгыш-әңгәмәдән соң мәктәп укучыларына ТР Конституциясенең кабул итү шартлары турында сөйләде. Ул алган белемнәрне ныгытырга, тирәнтен төшенеп аңларга ярдәм итте. Дәреснең йомгаклау өлешендә исә “Гражданнарның хокуклары һәм бурычлары” темасына викторина, «Депутат портреты»н төзе кебек мавыктыргыч биремнәр бирелде. Укучылар барлык викторина сорауларына зур энтузиазм белән җавап биреп, барлык биремнәрне дә ярыша-ярыша үтәде.

Укучыларыбыз проект эше эшлиләр

Шефлык эшендә катнаштык