27  нче  апрель көнне 8 нче сыйныф укучылары катнашында   бөек  татар шагыйре  Габдулла Тукайның  тууына 131 ел тулуга  багышланган бистәкүләм  әдәби бәйге  узды.   Бу бәйге өч мәктәп арасында  үткәрелде:   һәр командага  8 нче сыйныфтан  бишәр   укучы сайлап алынды . Командага  бистә буенча төрле тукталышларда туктап, үзләренә бирелгән сорауларга җавап бирү бурычы куелган иде. Тукталышлар: “Бүләкләр” кибете, “Ветераннар советы”, “Автовокзал “, “Девон”, “Спорт сарае”,  “ “Боз Сарае”, “Балалар китапханәсе” һәм соңгы тукталыш “ Бистә китапханәсе”.  Укучылар үз алларына куелган сорауларга төгәл җавап биреп, “Иң милли җанлы команда” исеменә лаек булдылар  һәм диплом  белән бүләкләнделәр.  Укучыларыбызга  яңа  уңышлар телибез!