6 нчы февраль көнне Җәлил бистәсенең 6 нчы "Теремкәй" балалар бакчасында "Ел тәрбиячесе -2015" республика бәйгесенең муниципаль туры узды. Безнең балалар бакчасы данын  тәрбияче Кашапова Гөлназ Марс кызы яклады. Гөлназ Марсовнаны уңышлы чыгыш ясавы белән котлыйбыз!

Бүген балалар әниләргә багышлап иң матур җырларын, иң матур шигырьләрен һәм иң матур биюләрен башкардылар. 

Уртанчылар төркемендә "Ут  дус та,  дошман да" темасына уткэрелгэн эшчәнлектә тәрбияче Р.Ф.Сахбиева балаларга утның кешегә нинди зур файда китерүен, ә аның белән сак булмасаң нинди зур зыян салуын мисаллар ярдәмендә күрсәтте. Балаларның алган белемнәрен дидактик уен ярдәмендә тикшереп тә карады.

Физик тәрбия инструкторы Г.М.Бекмурзина эшчәнлекне сәламәтлекнең нигезе физкультура белән шөгыльләнүдә икәнен искәртеп башлагач, балалар аеруча тырышып һәм теләп шөгыльләнделәр.

Бүген икенче кечкенәләр төркеме балаларының эшчәнлегенә Камка килде. Ул,үзенең кара тамгаларын югалту сәбәпле, йокыга китә алмаган икән. Тәрбиячеләре Гөлназ Марсовна Камкага ярдәм итергә тәкъдим иткәч, балалар шатланып риза булдылар һәм Камкага кара тамгалар ясап йокыга яткырдылар.

Безнең балалар бакчасына ЮХИДИ инспекторы Ибраһимов Ленар һәм юл иминлеге программаларын  финанслау дирекциясенең Сарман районы буенча  филиал җитәкчесе Алсу Ситдикова килделәр. Алар балалар белән юл  йөрү кагыйдәләрен үтәүнең әһәмияте турында әңгәмә үткәрделәр һәм балаларның белемнәрен дә тикшереп алдылар. Кунаклар һәрвакыттагыча күчтәнәчләр белән килгәннәр иде. Балаларга Алсу апалары һәм Ленар абыйлары алып килгән китаплар һәм стикерлар бик ошады. Бу очрашу балаларга бик кызыклы һәм  файдалы булды.