Бүген балалар бакчасында "Балаларның иминлеге безнең кулларда" исеме астында гомуми әти-әниләр җыелышы узды. Җыелышка үзәк шифаханәнең балалар табибы Ямалиева Вәсимә Сәлимовна, участок инспекторы Абзалова Розалия Мөхәррәмовна, өлкән дәүләт инспекторы Әхәтов Фәнис Фирдәвисович чакырылган иде. Вәсимә Сәлимовна кызыклы итеп хәзерге көндә киң таралган инфекцион авыру- туберкулез турында сөйләде. Розалия Мөхәррәмовна шулай ук көн кадагында торган терроризм  һәм экстремизмга  каршы профилактика һәм көрәш темасын яктыртты. Фәнис Фирдәвисович юлларда балаларның иминлеге турында сөйләде. Балалар бакчасы мөдире Вәлиева Резеда Хамзиевна балалар бакчасында оештырылган түләүле өстәмә белем бирү түгәрәкләре, балалар бакчасына түләүләрдә үзгәрешләр сорауларына тукталды һәм әти -әниләрнең күпсанлы сорауларына  җавап бирде. 

Бүген мәктәпкә әзерлек төркеме балалары "Кәҗә кергән бакчага" әкиятен сәхнәләштерделәр. Нәни артистлар әкиятләрен кечкенә төркем балаларына тәкъдим иттеләр. Нәни артистлар да, кечкенә тамашачылар да бик канәгать калдылар.

Бүген Җәлил бистәсендә авыл хуҗалыгы ярминкәсе булып узды. Ярминкәдә безнең  балалар бакчасы да  катнашты.

Бүген безнең балалар бакчасына  ТР ЮХИДИ идарәсе башлыгы Рифкат Миннеханов  килде . Рифкат  Нургалиевич  балалар бакчасында балаларны  урамда һәм юлларда үзләрен дөрес тоту кагыйдәләренә өйрәтү эшенең куелышы белән танышты, балалар белән аралашты. Баш дәүләт инспекторы  балалар бакчасында хәрәкәт иминлегенә өйрәтүне югары бәяләде, балалар бакчасына ЮХИДИ идарәсе исеменнән 4 велосипед бүләк итте.

Белем бәйрәме белән!

Уважаемые родители! Вы можете ознакомиться и пользоваться пошаговой инструкцией по оплате за детский сад в электронном виде на Портале услуг РТ.

Соңгы араларда янгыннарны кисәтү буенча системалы эш алып баруда кискен ихтыяҗ туды.  Бүген  "Лилия" балалар бакчасында янгынга каршы өйрәнүләр узды. Шартлы янгын чыгуны  игълан итеп автомат янгын сигнализациясе тавыш бирүгә, балалар бакчасы хезмәткәрләре оешкан рәвештә балаларны эвакуацияләделәр. Шартлы янгын урынына килгән янгын сүндерүчеләр тиз арада сүндерү эшләрен башкардылар. Шартлы зыян күрүчеләрне ашыгыч ярдәм машинасы хастаханәгә  алып китте.  

20  апрельдан 24  апрельда хәтле балалар бакчасында Габдулла Тукай атналыгы узды. Атналык барышында балалар Г.Тукайның тормыш юлы белән таныштылар, әкиятләрен, шигырьләрен тыңладылар, бөек шагыйрьнең әсәрләре буенча ясалган мультфильмнар карадылар, яраткан әкият геройларын рәсемләделәр. Атналык  Г.Тукайның туган көненә багышланган бәйрәм иртәсе белән тәмамланды.