25 ноябрь көнне Юлбат төп мәктәбендә “Әти,әни һәм мин – спорт сөюче гаилә” дип исемләнгән чара узды. Анда 1 һәм 2 нче сыйныф укучылары, аларның әти-әниләре катнашты. Күңелле спорт уеннарында һәр команда зур азарт белән ярышты. Очрашудан һәрберсе канәгать калып, алга таба да шундый очрашулар күбрәк булуын теләделәр.

23 ноябрь көнне Юлбат төп мәктәбендә “Иң яхшы өстәмә белем бирү укытучысы” кысаларында “Робототехника ” юнәлешендә “Ел укытучысы-2017” Республика бәйгесенең  муниципаль этабы узды. Дәүләтшин Н.И. (Юлбат төп мәктәбе), Фәләхов И.И. (Лесхоз урта мәктәбе), Борханов Т.Ю. (Иштуган урта мәктәбе), Исмәгыйлов А.А.(Завод-Нырты урта мәктәбе)укытучылары ачык дәрес күрсәттеләр. Катнашучыларга уңышлар телибез!

Бүген  укучыларыбыз   бозда саклану һәм үз – үзеңне тоту кагыйдәләре белән таныштылар.Һәр сыйныфта әлеге темага кызыклы сөйләшүләр алып барылды. Укучылар куркыныч туган очракта башкарылырга тиешле гамәлләрне  үтәп тә карадылар.Бозның ни дәрәҗәдә куркыныч икәнен төшенделәр.

20 ноябрь көнне Казан шәһәрендә “Без бергә!” дип исемләнгән балалар һәм яшьүсмерләр  фольклор ансамль һәм халык җырлары III ачык республикакүләм фестиваль-конкурс үтте. Анда Юлбат төп мәктәбеннән соло номинациясендә Мансуров Райнур - 2, Сәйфуллин Илсаф - 3 призлы урынга лаек булды. Вәлиев Илгизәр актив катнашучы  дипломы белән бүләкләнде (җитәкчеләре Аубакиров Ф.Г.) Җиңүчеләрне кайнар котлыйбыз, алга таба да уңышлар телибез!

18 ноябрь балаларга хокук ярдәме көне буларак Юлбат төп мәктәбендә Саба муниципаль районы башкарма комитеты “Опека һәм попечительство” бүлеге баш белгече Зөлфия Фәсхетдиновна һәм  Саба муниципаль районы “Балкыш” халыкка социаль ярдәм  күрсәтү комплекс үзәгенең  “Гаиләләргә һәм балаларга ярдәм ” бүлеге җитәкчесе Сания Газинуровна белән очрашу үтте. Алар бүлекләрнең эшчәнлеге белән таныштырдылар, бала хокукларын билгеләгән  Конвенциядәге матдәләргә тукталдылар һәм укучылар кызыксынган сорауларга җавап бирделәр.

Бу атнада Бөтенрәсәй олимпиадаларының муниципаль туры башланды. 14 ноябрь көнне 7-11 сыйныф укучылары үзләренең белемнәрен экология фәненнән сынадылар. Юлбат төп мәктәбенең 6нчы сыйныф укучысы Хаҗиев Руслан 2нче призлы урынга һәм 9нчы сыйныф укучысы Мөбәрәкҗанов Айрат 3нче призлы урыннарга ия булдылар. Аларны һәм укытучылары Хаҗиева А.Р.ны чын күңелебездән бу зур җиңүләре белән котлыйбыз!

Бүген мәктәбебездә ясле – бакчаларда балаларны мәктәпкә әзерләү, файдаланылган алымнарны өйрәнү юнәлешләрен күрсәтү максатыннан тәрбиячеләр өчен ачык ишекләр көне үтте. Беренче сыйныф укытучысы Рузия Тимершаеховна математика һәм рус теле фәннәреннән ачык дәресләр күрсәтте.

Укучыларның техник юнәлеш буенча кызыксынуларын арттыру йөзеннән республикабызда шул исәптән безнен районыбызда куп чаралар уткәрелә. Шуларның берсе декабрь аенда үтәчәк JuniorSkils стандартлары буенча үтүче «Мобильная робототехника» ярышлары. Бу ярышларга, шулай ук безнең укучыларыбыз да әзерлекләрен башлап җибәрделәр.  Аларга уңышлар теләп калабыз.

14 ноябрь көнне Юлбат төп мәктәбе укучылары: Хаҗиев Руслан, Исламов Инсаф, Мөбәрәкҗанов Айрат (укытучылары Хаҗиева А.Р.), экология фәне буенча    үткәрелгән  олимпиадада катнашалар. Аларга уңышлар телибез!

"Ел укытучысы»   конкурсының   «Сыйныф   җитәкчесе»  номинациясе  9-10 нчы  ноябрь  көннәрендә Тимершык урта мәктәбе базасында үтте. Безнең мәктәптән 2 нче сыйныф җитәкчесе Фатхриева Р.Х. катнашып уңышлы  чыгыш ясады.