13 январь көнне район иҗат үзәгендә  “Дулкыннар” республика конкурсының муниципаль этабы үтә. Юлбат төп мәктәбеннән “Вокал” номинациясендә Сәйфуллин Илсаф, Вәлиев Илгизәр, Мансуров Райнурлар катнаша. Аларга уңышлар телибез! 

      11 гыйнвар - иң әдәпле бәйрәмнәрнең берсе - Халыкара “Рәхмәт” көне.  Шул уңайдан, укучыларда аралашу культурасы, бердәмлелек, гаиләдә һәм бер - берсенә  хөрмәт тәрбияләү максатыннан  4-5 сыйныфларда сбор үткәрелде.  Укучылар Рәхмәт көне  тарихы белән таныштырылды, шагыйрьләребезнең  шигырьләре укылды, җырлар тыңланылды. Соңыннан бер - берсенә “Рәхмәт” йөрәкләре  ясап тапшырдылар.

Сагынып  көтеп алган кышкы каникуллар тәмамланып,бүген мәктәбебез кабаттан балаларның шат авазына күмелде. Укучылар ялларда яңа көч туплап, тулы составта, тырышып белем үрләрен яуларга керештеләр.

Лагерьның соңгы көне. Бүген чаңгыда йөрү, кабинетларда чисталык булдыру һәм лагерьны ябу планлаштырыла. Укучыларыбыз лагерьдан бик канәгать калдылар.

Мәктәбебезнең   кышкы  “Хыял” ял һәм сәламәтләндерү  лагеренда бүген 4 сыйныфлар ВПРга әзерлекләрен дәвам иттеләр. Аннары физика, информатика кабинетына сәяхәт кылдылар. "Очевидное невероятное" дигән физикадан чарада катнаштылар.  “Әкиятләр дөньясы”на сәяхәт  темасына  рәсемнәр конкурсы  булды. 

"Хыял" кышкы лагерьда  бүген "В мире русского языка" иленә сәяхәт кылдык. Шулай ук  шахмат турниры узды. Мәдәният йортында кунакта булдык.

  Иртәнге зарядка һәм аштан соң, без “Математика иленә” сәяхәткә чыктык.  Аннан “Быстрее, выше, сильнее” ярышы узды. Ике командага бүленеп төрле биремнәр үтәдек. Рәхәтләнеп ял иттек. "Илебез символлары" темасына багышланган сборда катнаштык. Көнебез файдалы һәм күңелле узды.

8 сыйныф укучылары Галимуллина Гүзәл һәм Дәүләтшин Рөстәм "Я - мастер" конкурсында үзләренең көчләрен сынадылар. Үзләренең булдыклы икәнлекләрен күрсәттеләр.

  Менә лагерьның өченче көне дә тәмам. Без  “Татар телем – серле тел”  бәйрәм-бәйгесендә үзебезнең ана телебез буенча белемнәребезне ныгыттык. Татар теле укытучыбыз әзерләгән биремнәргә җавап бирдек, сөйләм телебезне үстердек. “Робототехника” түгәрәгендә роботлар җыеп,  аларны хәрәкәтләндереп карадык. Шулай көнебез сизелми генә үтеп китте.

Юлбат төп мәктәбе  8 нче сыйныф  укучысы  Хасанов Илшат  геология фәненнән Бөтенроссия олимпиадасының муниципаль турында   3 урын алды.Илшатны үңышлары белән котлыйбыз.