“Укытучылар һәм остазлар елы” уңаеннан Шекше төп мәктәбендә “Кыңгыраулы мәктәп еллары!” дип исемләнгән зур очрашу үткәрелде. Чарада Шекше, Сәрдә мәктәбендә укыткан ветеран һәм яшь укытучылар, хәзерге көндә белем бирүче остазлар, гомумән, мәктәпкә бәйле булучы мөгаллимнәр катнашты. Бәйрәм чәй табыны артында күңелле аралашу, хатирәләрне яңарту һәм концерт номерлары белән үрелеп барды.Мөгаллимнәр эшләү дәверендә булган кызыклы вакыйгаларны хәтердә яңарттылар, яңалыклары белән уртаклаштылар, кичәне оештыручыларга ихлас рәхмәтләрен җиткерделәр.