Президентыбыз Р.Н.Миннихановның боерыгын томышка ашыру максатыннан һәм Саба муниципаль районы мәгариф бүлегенең 13 сентябрьдә кабул ителгән №295 приказы нигезендә Шекше гомуми урта белем бирү мәктәбендә “Наркотикларсыз тормыш” айлыгы үткәрү турында №182 приказы дөнья күрде.

16нчы сентябрьдән 16 октябргә кадәр үткәреләчәк “Наркотикларсыз тормыш” айлыгының максаты булып укучыларда психоактив матдәләр куллану һәм таратуны кисәтү,  аңа карата тискәре караш тәрбияләү, наркотикларга бәйлелек барлыкка килүне кисәтү, үз-үзеңне тота белү, үз тәртибеңне үзең көйләү, сәламәт тормыш рәвеше алып бару күнекмәләрен үстерү; гаилә һәм әйләнә-тирә мохит тәрбиясе тирәлегендә яшүсмернең шәхесара мөнәсәбәтләрен җайга салуда ярдәм итү тора.

Айлык алдыннан укытучылар, методик берләшмәләр катнашында утырыш булып узды. Биредә “Наркотикларсыз тормыш” айлыгын үткәрү планы каралды һәм расланды, укытучыларга әлеге айлык кысаларында үткәреләчәк чаралар турында хәбәр ителде, аларның планнары белән танышылды. Шулай ук тәрбия сәгатьләре үткәрү өчен темалар тәкъдим ителде.

Приказ нигезендә мәктәбебездә “Аноним мөрәҗәгатьләр өчен” йозаклы тартма куелды һәм аңа җаваплы итеп ТЭБДУ Гимадиева Алисә Илһамовна беркетелде. Аны көндә ачып карап, хатларның булу-булмавы турында махсус журналга язып барыла. Шулай ук мәктәбебез коридорына наркотикларның зарары, укучыларны кисәтү буенча стенд куелды.