Бүген мәктәптә Саба муниципаль районы Башкарма комитетыннан вәкил Исхакова Альбина Раифовна, балигъ булмаган балалар белән эшләү инспекторы Сибгатов Айгиз Анасович һәм ГАИ хезмәткәре Закиров Динар Рамилевич белән очрашу үткәрелде. Айгиз Анасович укучыларга терроризм турында сөйләп, эчтәлекле видеосюжет күрсәтте, соңыннан җәй көне укучылар тарафыннан ясалган хокук бозу очраклары турында аңлатып, балаларны вакытны әрәмгә уздырмыйча, тырышып укырга өндәде. Дамир Рамилевич юлда йөрү кагыйдәләре турында сөйләп, сораулар ярдәмендә укучыларыбызның  белемнәрен һәм юл билгеләрен белүләрен тикшерде, тулы мәгълүматлар бирде, укучыларны  юл йөрү кагыйдәләрен төгәл үтәргә өндәде. Әлеге очрашу укучыларыбыз өчен бик файдалы булды.