Февраль аенда, зурлар төркеменә йөрүче кызларыбыз Гөлсылу һәм Зәйнәпкә 6 яшь тулды.Аларның акыллы, инсафлы  булып үсүләрен телибез!

Утырыгыз әле җайлап.

Табышмакка табыгыз җавап.

Кайсы әкият икәнен

Уйлыйк әле бергәләп.

Кызыл ромашка

Иртәнге таң нурыннан
Уянды ромашкалар.
Елмаеп, хәл сорашып,
Күзгә-күз караштылар.

Назлады җил аларны,
Тибрәтеп ак чукларын,
Таң сипте өсләренә
Хуш исле саф чыкларын.

Чәчкәләр, кәефләнеп, 
Җай гына селкенделәр. 
Һәм кинәт шунда гаҗәп 
Бер яңа хәл күрделәр.

Ерак түгел моңаеп, 
Утыра ромашка кызы, 
Тик чуклары ак түгел, 
Кан шикелле кып-кызыл. ( М.Җәлил)

Бүген без, зурлар төркеменә йөрүче балалар А.Алишның әкиятләрен тыңладык.Балалар үзләре теләгән әкиятне сайлап алып,анда катнашучыны әвәләп ясап куйдылар.

Бикбатыр белән Биккуркак

Бер баланың ап-ак куяны белән бик матур песие булган. Алар үзара тату яшәгәннәр. Куян кетер-кетер итеп агач кайрысы кимергән, песи чепер-чепер итеп сөт эчкән. Песи бернәрсәдән дә курыкмый икән, аңа теге бала Бикбатыр дип исем кушкан, куян, дер-дер килеп, бар әйбердән дә шүрли икән, аны ул Биккуркак дип атаган.

Абдулла Алиш

Рус халык әкиятенә ясалган  иллюстрацияләр карадык һәм очып баручы аккошларны ясарга өйрәндек.

Балалар белән логик биремнәр чиштек,арифметик мәсьәләләр төзеп, чишеп, сөйләп күрсәтергә өйрәндек.

Балалар үзләренең гаиләләре , гаилә әгъзалары , туганнары турында бик теләп сөйләделәр,ясадылар.Сеңел, энем, дәү әни, дәү әти сүзләрен кулланышка кертеп сүзлек байлыгын арттырдылар.Гаиләдәге кешеләр турында матур сүзләр кулланып сөйләргә өйрәнделәр.

Шәһәр төзим

Мин яңа шәһәр төзим,

Ул шундый шәһәр булыр:

Чәчәкле урамнарда

Машина чабып торыр.

Шәһәрнең уртасыннан

Зур елга агып торыр,

Йөзеп арган көймәгә

Дулкыннар кагып торыр.

Бу шәһәрдә кошларга

Таш атмаслар малайлар,

Усал малайлар күреп

Шаккатмаслар агайлар.

Абыйлар һәм апалар

Бик-бик тату яшәрләр,

Бер-берсенә һәрвакыт

«Исәнме!» дип дәшәрләр.

Төзүче булыр әти,

Әни булыр тегүче.

Абый белән без икәү

Машиналар йөртүче.

Мин яң а шәһәр төзим,

Ул шундый шәһәр булыр:

Чәчәкләр, агачларга

Тамчы сибелеп торыр.

Рәшит Бәшәр

Саф һавада балалар күп уйный, хәрәкәт итә. Хәрәкәт итү матдәләр алмашын, кан әйләнешен тәэмин итә, аппетитны үстерә. Балалар каршылыкларны җиңәргә өйрәнә, җитезлектә, кыюлыкта камилләшә. Аларда хәрәкәт итү үсә, кәеф күтәренкелеге тотрыклана.

Сәнгать эшчәнлеге, мәктәпкәчә  балалары өчен, эшчәнлекнең иң кызыклы бер төре булып тора. Рәсем аша бала үзенең әйләнә-тирәгә карашын һәм мөнәсәбәтен әйтеп бирә ала.Балаларның эстетик, акыл  һәм әхлаки яктан үсешенә уңай йогынты ясый, хезмәткә карата уңай караш тәрбияли.