Нептун көне балалар бакчасында - җәй, су һәм күңел ачу бәйрәме. Гадәттәгечә, су бәйрәмнәре һәм конкурслар җәй урталарында, июльдә үткәрелә. Нептун - диңгез һәм океаннар патшасы. Ул җәен кунакка килә. Күп су һәм су белән уйнау өчен күңелле уеннар алып килә. Бүген мәктәпкә әзерлек төркемендә нептун көне булды. Балалар су белән төрле уеннар уйнадылар, су пистолетлары белән су сибештеләр.

Дети смогли окунуться в праздничную атмосферу приключений, поучаствовать в различных конкурсах и играх. У детей осталась масса положительных эмоций на весь день!

Бүгенге темабыз – салават күпере! Салават күперен күргәч, балалар гына түгел, олылар да сөенә. Салават күпере – яшенле яңгырдан соң күк йөзендә барлыкка килә торган җиде төсле дуга. Кайчандыр салават күперен “чәчүрмә”, “килен тастымалы” дип атаганнар. Аны һаман да кайбер төбәкләрдә “күк җәясе”, “күк дугасы" дип йөртәләр. Бүген мәктәпкә әзерлек төркеме балалары табигать күренешләре турындагы сөйләшүне дәвам иттеләр. Матур итеп салават күпере ясадылар, урамда уеннар уйнадылар.

Юл йөрү билгеләрен һәр көнне кабатлап торсанда күп булмас. Бүген мәктәпкә әзерлек төркеме балалары юл йөрү билгеләрен кабатладылар. Бигрәктә җәяүлеләр өчен булган билгеләргә игътибар иттеләр. Саф һавада күңелле уеннар уйнадылар.

Эх, эшләпә, эшләпә, башны яхшы эшләтә... Бүген мәктәпкә әзерлек төркемендә эшләпәләр көне булды. Алар белән эшләпә турында әңгәмә алып бардылар, төрле уеннар уйнадылар, пластилиннан эшләпә ясадылар. Эшләпәгә тылсымлы сүзләр әйтеп, баллы кучтәнәч тә алдылар.

Бантиклар - кызлар өчен иң матур чәчкә куя торган әйбер. Аларның хәзер ниндиләре генә юк. Бүген мәктәпкә әзерлек төркемендә бантиклар көне үткәрделәр. Алар кәгазьдән бантик ясадылар, саф һавада күңелле уеннар уйнадылар.

Матур итеп киенү, ясану, чәчләрне тәртипкә китерү һәркемгә кирәк. Бүген мәктәпкә әзерлек төркемендә прическалар көне ясадылар. Бигрәктә кызларның малайларга ясаган прическалары балалар өчен кызыклы булды.

Җир шарында гаҗәеп һәм шаккаткыч нәрсәләр күп инде ул. Шуларның берсе – хайваннар дөньясы. Бүгенге көнне мәктәпкә әзерлек төркеме балалары әлеге темага багышладылар. Алар табышмакларның җавапларын таптылар, интерактив тактада уеннар уйнадылар, кәгазьдән куян ясадылар.

Кошлар - безнең дусларыбыз, ярдәмчеләребез. Кошлардан башка табигать җансыз. Аларның күңелле, моңлы тавышлары табигатьне яшәртә, күңелләребезгә дәрт һәм шатлык өсти. Иртә таңнан безнең өчен үзләренең җырларын җырлыйлар; иген корткычларын ашыйлар, үсемлекләрне һәртөрле корткычлардан саклыйлар. Бүген мәктәпкә әзерлек төркеме балалары кошлар турында сөйләштеләр, геометрик фигуралардан кош сурәтен җыйдылар, математик мисалларны чишеп кош рәсемен буядылар

Бүгенге көн бөҗәкләргә багышланган иде. Көн дәвамында мәктәпкә әзерлек төркеме балалары  белән әңгәмәләр үткәрелде, әңгәмә барышында балалар бөҗәкләр, аларның файдасы яки зыяны турында күп яңалык белделәр. Аннан соң пластилин һәм чикләвек кабыгы ярдәмендә үзләренә ошаган бөҗәкне ясадылар.