Быел безнең бакчабызда беренче тапкыр Чыршы бәйрәме үткәрелде. Алдан ук Кыш бабайга хатлар яздык. Ул безгә өрь-яңа чыршы, аңа эләргә матур-матур уенчыклар , гирляндалар җибәрде. Зарыгып-зарыгып кар яуганын көттек тә, кар сыннары ясап куйдык. Балалар төрбияче апалары биргән шигырьләрне ятладылар, җырлар, биюләр өйрәнделәр. Ә инде Кыш бабай, Сезгә киләм, дип телеграмма җибәргәч, әти-әниләре белән бергә бәйрәмгә җыелдылар.Иң беренче зал уртасында балкып утырган Чыршы тирәли җырлап әйләндек, аннан Кыш бабай белән Кар кызы килделәр. балалар аларга барлык һөнәрләрн күрсәттеләр. Өлкән төркемдәге кызлар төрле төстәге җепләрдән әзерләнгән мунчалалар белән биесәләр, малайлар Кыш бабайлар булып киенеп биеделәр. Кечкенәләр дә калышмадылар: алар Дамира апалары белән Нәни чебиләр булып биеделәр , уеннар уйнадылар.Соңыннан Кыш бабай бүләкләр, күчтәнәчләр өләште. Әти- әниләр бәйрәмебезне бик ошаттылар.