Бүген балалар кышның матур көннәреннән файдаланып , рәхәтләнеп карда аунадылар, куышлы, качышлы уйнадылар.

Район балалар бакчаларында тәрбияләнүче балалар арасында үткәрелгән "Правила дорожного движения на зимней дороге!"  рәсем конкурсында  катнашып,  Зөлфинә Вәлиева, Риана Сабирҗанова, Алсу Зарипова Мактау грамотасы белән бүләкләнде. Котлыйбыз, алга таба да уңышлар телибез аларга.

Кыш бабай, Кар кызы, Кыш әбисе, Иркәбикә һәм башкалар балаларга күңелле ял һәм бәйрәм бүләк иттеләр.

Балалар тәрбиячеләр белән берлектә Әниләр бәйрәменә әзерләнә.

Татар халкының милли йолалары, бәйрәмнәре белән балалар бакчада һәрвакыт танышып торалар. Шушы көннәрдә булып узган Корбан бәйрәме турында да аларга кирәкле мәгьлүмат җиткерелде. Йоланың асылы нидә икәнлеге аңлатылды. Бүген исә балалар бакчасында Корбан ашы уздырылды. Авылыбызның имам- хатыйбы Рушан Гыйлманов бакчага килеп балаларга вәгазь укыды, Корбан бәйрәме турында сөйләде, балаларның белгән догаларын тыңлады. Балаларга акыллы, тәрбияле, инсафлы булып үсегез, дип теләкләрен теләп , алып килгән бүләкләрен таратты. Изге теләкләре өчен Рушан Сәетнуровичка, корбан чалып балаларны сыйлаган хуҗалык җитәкчеләренә рәхмәтебезне белдерәбез.  

Җәй көне иркенләп ял иткән, көч туплаган балалар өчен, сентябрь башыннан кызыклы шөгыльләр башланды. Балаларның шөгыльләрне сагынганнары сизелә- бик теләп катнашалар, җавап бирәләр, бөтен нәрсәне тырышып башкаралар. Бүгенге шөгыльдә алар бик теләп, илһамланып карабодай һәм манныйдан гөмбә ясадылар.

Кичә  безнең Заринаның туган көне иде. Балалар белән бергәләшеп "Ак калач "җырладык. Заринага түгәрәкләнеп басып, матур теләкләр әйттек, бүләкләр бирештек.

Бугенге көн җыештыру көне буларак билгеләп үтелә. Димәк әти-әниләргә, тәрбияче апаларга булышырга кирәк дигән сүз. Башка көннәрдә дә балалар уйнаган уенчыкларын, утырган урындыкларын, укыган, язган китап- дәфтәрләрен үзләре җыештыралар, урыннарына куялар. Бүген исә алар безгә тузаннарны сөртергә булыштылар һәм өйгә кайткач әти-әниләренә  ярдәм итәргә дә  сүз бирделәр.