23 нче сентябрь көнне, район күләмендә уздырылган "Ватан" конкурсында "Наз" бию төркеме кызлары (җитәкчесе Хадиева Гөлгенә Наиловна) I урын алып кайттылар. VIII класс  укучысы Гараева Айзилә кул эше буенча II урынга лаек дип табылды. Г.Тукайның "Сабыйга" шигырен сөйләп IV класс укучысы Хадиева Илнара зона турына үтте.

 Хөрмәтле Ренат Исламович! 

Бу тормышның озын юлларыннан

Атладың да, һаман атладың;

"Кеше" дигән, "Укытучы" дигән

Исемеңне горур сакладың

Укучыларга хезмәт әрбиясе бирүдә һәм мәктәпнең экономик хәлен яхшыртуда әйбәт башлангыч булыр дип, мәктәптә теплица төзелеше башланды. Тәҗрибә бакчасында да эшләр тәмамланып килә.

17 сентябрь көнне Саба гимназиясе стадионында укучыларның чираттагы "Көзге кросс"ы узды. Мәктәп командасы 6нчы, 8нче сыйныф укучысы Фазылов Айтуган III урынны алып кайттылар. Молодцы, укучылар!

Бүген мәктәп күләмендә "Кабак бәйрәме" уздырылды. Укучылар да, укытучылар да барлык фантазияләрен эшкә җигеп, кабактан төрледән-төрле әйберләр ясаганнар иде. Кабакка багышлап такмаклар, шигырьләр, җырлар башкардылар. Хәтта Г.Тукайга ияреп, "Кәҗә белән Сарык", "Кисекбаш" әсәрләрен бәйрәм темасына үзгәртеп сәхнәләштерделәр. Бәйрәм бик күңелле үтте.

Бәйрәм мизгелләрен медиатекадан карарга була.

Саба районы мәктәпләрендә оешкан  барлык варислар берлеген бәйрәм белән котлыйбыз. 

Балалар оешмасында атнаның өченче көне, традиция буларак, "вожатыйлар көне" дип игълан ителә. Бу уку елында да вожатыйлар  эшләрен план нигезендә башлап җибәрделәр. Үзләренә беркетелгән отрядларга кереп  кызыклы уеннар уйнап, төрле әңгәмәләр, чаралар үткәрделәр.  Нәни дуслары аларны киләсе атнага да килерләр дип, зур түземсезлек белән көтеп калалар. 

Укулар башланганга да ике атнага якын вакыт үтеп киттте. Укучылар, укытучылар җиң сызганып эшкә тотындылар. Тәнәфес вакытында укытучылар IT-тестирование үтсә, укучылар өстәл теннисы, шахмат, шашка, домино домино уйнап вакытларын файдалы итеп үткәрәләр. 

Бүген, башлагыч сыйныф укучылары укытучылары Мифтахова Гөлсирин Расимовна белән китаплар һәм андагы китап бүлекләре белән танышу максатыннан мәктәп китапханәсенә экскурсия ясадылар. Китапханәче Гараева Сәрия Солтановна балаларның барлык кызыксындырган сорауларына җавап бирде. Китапларны ничек сакларга, кулланырга кирәклеге турында һәм китапханәнең эш режимы белән таныштырды.

9нчы сентябрь көнне, Балалар Иҗат Үзәгендә укытучыларга икенче югары белем дипломы тапшыру тантанасы узды. Безнең мәктәптән Мостафина Фәрдия Маһияновна һәм Мифтахова Гөлсирин Расимовна кызыл дипломга ия булдылар. Котлыйбыз аларны!