Бүгенге көн 7, 8 класс укучылары өчен күңелле узды- алар "Нарат" боз сараенда булдылар. Башка класс укучылары биология, математика, география фәннәреннән шөгыльләнделәр. Ибрагимов Р.З. "Бадминтон"  түгәрәге үткәрде. 9  класс укучылары математикадан имтихан бирүдә катнаштылар.  Яңа Мичәндә яшәүче 1- 4 класс укучылары Яңа Мичән терлекчелек фермасында терлекчеләрнең эше белән таныштылар. 

Язгы каникулның икенче көне план нигезендә үтте." класс укучылары белән өстәмә дәрес, физика фәненнән олимпиадага әзерлек һәм имтиханга әзерлек  шөгыльләре  үткәрелде. 9 нчы сыйныф укучылары рус теленнән  имтихан тапшырдылар. Укучылар ата - аналарның эш урыннарында булып, танышып кайттылар.

Укучыларның көтеп алган каникуллары башланды. Мәктәптә химия, рус теленнән 8,9 класс укучылары имтиханга әзерләнде. Татар теленнән олимпиадага әзерлек ,  аерым фәннәрне авырдан үзләштерүче укучылар белән өстәмә шөгыль үткәрелде. Өч укучы бадминтон  буенча әзерлек түгәрәгенә барды. Иң сөенечлесе - укучыларыбыз "Аҗаган" уенында 1 нче урынны яулады!

Бүген мәктәп укучылары (җитәкчесе Ибрагимов Р.З.) Шәмәрдән мәктәбендә оештырылган "Аҗаган 2016" хәрби-патриотик уеннарда беренче урын алып кайттылар. Афәрин укучылар! 

Асрутдинов Н.М. истәлегенә багышланган волейбол ярышында кызлар командасы катнашты. 

14-15 март көнәрендә мәктәп укытучылары Иштуган мәктәбендә Сингапур укуларында булдылар.

Бүген мәктәп теплицасыннан  15 кг. кыяр җыеп алынды. Беренче уңышны барыбыз да яратып ашадык.

Кыяр алырга теләүчеләр булса, мәктәпкә алдан заказ бирүегезне сорыйбыз.

5 нче  март көнне,  Хезмәттәш” методик берләшмәсе  айлыгы  планы нигезендә , Хадиева Г.Н. җитәкчелегендә    “Күңелләрдә  мәңге истә калыр  кыңгыраулы мәктәп еллары!”  исемле ачык чара  булды. Студент егетләр , кызларның   мәктәпне   сагынып килгәннекләре  аларның     йөзләрендә, сүзләрендә чагыла иде.  Һәркем  бу бәйрәмнән   канәгать  калды.   

Бүген физкультура укытучысы Ибрагимов Р.З. башлангыч сыйныфлар арасында чаңгы ярышы үткәрде.

 Хадиева Г.Н. һәм Гараева С.С. җитәкчелегендә мәктәп күләмендә гөрләп ярминкә узды. Монда авылыбыз уңганнарының кул эшләре күргәзмәсе куелды. Шулай ук укучылар үзләре  пешереп алып килгән ризыкларны саттылар, сыйландылар, рәхәтләнеп ял иттеләр.