8 май бакчабыз балалары Яңа Мичән мәдәният йортында үткәрелгән Җиңү көненә багышланган  бәйрәм кичәсендә  катнаштылар. Җиңү көненә карата шигырьләр сөйләделәр, җырлар, биюләр башкардылар.

26 апрель - Габдулла Тукайның туган көне уңаеннан бакчабызда шигырь бәйрәме үткәрелде. Балалар Габдулла Тукайнын шигырьләрен яттан сөйләделәр, җырларын җырладылар,сорауларга җавап бирделәр.

27 апрель көнне балалар белән  авылыбыз китапханәсенә бардык. Китапханәче  Фирдәвес апа Габдулла Тукайның тормыш юлы һәм иҗаты белән таныштырды. Балалар әкият китапларын кызыксынып карадылар. Шигырьләрен сөйләделәр,  "Туган тел" җырын җырладылар.

24 апрель көнне без Яңа Мичән мәдәният йортында тупланган мәдәни мирасыбыз, авылыбызда яшәүче  эби бабайларыбызнын рухи хәзинәсе, төп яшәү чыганагы булган борынгы эш кораллары белэн таныштык. Балалар әлеге күргәзмәне бик кызыксынып күзәттеләр. Бу очрашу әби-бабаларыбыздан килгән гореф-гадәтләрне саклап калу һәм киләчәк буыннарга тапшыру максатыннан үткәрелде.

Балалар бакчасы хезмәткәрләре бакча яны участогын, территориясен кардан, корыган үләннәрдән, коелган яфраклардан, чүптән арындырдылар.

Балалар белән тәҗрибә үткәрү максатыннан балчыкка суган утырттык. Һәркөн аның үсешен даими күзәтеп, карап торабыз. Төпләрен йомшартабыз, су сибәбез, үскәнен күзәтәбез. Балалар бу эшне бик яратып, теләп башкаралар. Суганның файдалы яшелчә икәнен балаларыбыз беләләр.