Бакча хезмәткәрләре көче белән бакча яны участогыбыздан суган уңышын җыеп саклауга куйдык. Балалар да өлкәннәрдән читтә калмады.Хезмәткэ өйрәнү дәвам итә.

Бүген без клоун турында сөйләштек. Аның көлкеле, мәзәкчән, кызыклы  кеше икәнен балалар кызып-кызып сөйләделәр. Соңыннан тәрбияче Эльмира апалары белән берлектә клоун ясадылар.   

Бакча белән хушлашабыз –

Җиде яшь тулды безгә.

Мәктәпкә белем алырга

 Барабыз быел көзгә.

Бүген  безнең бакчада зур бәйрәм – бакча белән хушлашу кичәсе уздырылды. Бакчабыздагы иң акыллы малай Расихны  мәктәпкә белем алырга озаттык. Без Расихны  һәм аның әти әнисен зур бәйрәм белән котлыйбыз.Сезгә озын гомер, киләчәктә укуыгызда зур уңышлар телибез! Исән-сау булыгыз!

Аллы-гөлле гөлчәчәкләр

Бакчабызны ямьләде!

Җәйге эссе көндә сабыйлар рәхәтләнеп комлыкта уйныйлар. Малайлар без "Оста төзүчеләр" дип  юллар, күперләр салалар.Ә кызларыбыз матур тортлар ясыйлар. Комлыкта да иҗат дәвам итә.

Бүген илебез гаилә,мәхәббәт һәм тугрылык көнен билгеләп үтә.Гаиләләрегезгә тынычлык,саләмәтлек,байлык, муллык теләп калабыз.Гаилә учагыгыз сүнмәсен,сүрелмәсен.Балалар кулындагы ак ромашкалар сезгә һәммәгезгә бәйрәм бүләге.

Су буенда балыкларны күзәттек.Мишә елгасының суы бик чиста булганлыктан, балыклар йөзгәне күренеп тора. Балалар чын күңелдән куанып, кызыксынып карап тордылар. Һәрвакыттагыча мең дә бер сорау яудырдылар.

Әдел, Шамил,Раушан, Ислам балык тоту малайлар эше диләр.Үзләренчә балык тотмакчылар.Ләкин кызларыбызның да калышасы килми. Бүгенге көнебез бик күңелле үтте.

Гадәти  булмаган рәсем ясау  алымын кулланып, бармаклар белән җәйге матур чәчәкләр ясадык.Бу алымны куллану балаларда рәсем ясауга кызыксыну уятты. Аларның күзләрендә очкыннар уйнады.