Әти-әниләргә рус теленнән ачык шөгыль күрсәтелде.Шөгыльнең максаты балаларның рус телен дә сөйләм телен  үстерү һәм авыр әйтелә торган сүзләрне дөрес әйтүне булдыру иде.Шулай ук картина,презентацияләр аша балаларның белемнәре баетылды.Сорау-җавап һәм уен формасында балалар бик актив катнаштылыр.Әти-әниләр шөгыльне ошатып кабул иттеләр.

Бүген бакчабызда әти-әниләр җыелышы булып узды,барлык әти-әниләр дә тулысынча катнаштылар. Әлеге   җыелышта   бакчаның  тәрбиячесе – Яруллина Эльмира балаларның көндәлек эш тәртибе турында таныштырды. Презентация аркылы ул балаларның бакчага  килгәннән  алып -кайтканчыга кадәр ни эшләүләре,эшчәнлекләрдәге эш тәртибе белән таныштырды.Бакчабызга гаи хезмәткәре Закиров Динар Рамилевич килгән иде. Ул  транспорт һәләкатләре турында видеоролик күрсәтте. Балалар белән юлларда ничек йөрергә кирәклеген аңлатты, эчтәлекле чыгыш ясады. Йомгаклау өлешендә бакчада туклану, түләү тәртипләре һәм төрлеләр белән бакча мөдире Газизова Нурфия Лутфиевна чыгышы белән тәмамланды.

Бүген сөйләм теле үстерү эшчәнлегендә балаларның Россия башкаласы Мәскәү турындагы белемнәрен баеттык, Россия символикасы турында мәгълүмат бирдек.Үстерешле уен: «Дөрес итеп тез!»уенын уйнадык.  Россия әләмен һәм туграны җыйдык.

Уртанчылар төркеме Россия әләмен җыйды.

Тирә - юньдәге агачларның исемнәрен хәтердә ныгыту өчен "Агачны тап"  уенын уйнадык.Балаларның кызыксынучанлыклары тагы да артты, күтәренке кәеф белән саф һава сулап бакчабызга әйләнеп кайттык.

Туган ягыбыздагы агачлар белән танышу максатыннан көзге урманга бардык,балалар тәрбияче апалары белән берлектә урмандагы  агачларның төрлелеген чагыштырдылар.Агач яфракларының кызыл, сары төскә керүләрен, кайберләренең яшел төстә калуларын кызыксынып күзәттеләр. 

Бүген кисеп ябыштыру эшчәнлегендә туган ягыбыз кошлары белән таныштык. Шуларның берсе песнәк турында табышмаклар әйтештек.Уеннар уйнадык. Песнәк турында белемнәребезне арттыргач, төсле кәгазьдән кисеп ябыштырдык.

Чәчәк орлыгы җыябыз. Безнең балалар бакчасында белем бирү,хезмәт тәрбиясе белән бәйләнеп бара.

Беренче октябрь өлкәннәр көне.Шушы уңайдан хезмәттәшебез Нуруллина Фәнзиләне бәйрәм белән котлау өчен өйләренә кунакка бардык.Безне ягымлы, ачык йөз белән каршы алдылар. Балалар җырлар җырладылар, шигырьләр сөйләделәр.Фәнзилә апаның керфекләре чыланды. Күңелгә җылы булып китте,киләсе елларда да шулай очрашырга насыйп булсын, мине олылап искә алып килгәнегез өчен бик зур рәхмәт, - диде ул.Без аны шушы зур бәйрәм белән котлыйбыз. Аңа рух ныклыгы, күңел көрлеге, кайгы-хәсрәтсез имин көннәр, хәерле гомер, алдагы көннәрен дә якыннарының, туганнарының игелеген күреп, хөрмәтен тоеп узсын дигән теләктә калабыз. Балаларда өлкәннәргә карата ихтирам, игътибарлык тәрбияләү өчен, менә дигән чара. 

Бу атнаның йомгаклау чарасы буларак "Көзге муллык" күргәзмәсе уздырдык.Балалар бакчасында үткәрелгән күргәзмәләрдә әти-әниләрдә актив катнашып киләләр. Бу күргәзмә дә катнашкан әти-әниләргә рәхмәтебезне белдеребез.