Бүген балалар иҗат үзәгендә М. Мозаффаров юбилее уңаеннан "Дулкыннар" дип аталган конкурс узды. Безнең укучыларыбыз актив катнаштылар һәм җиңүчеләребез дә бар.

Бүген мәктәптә корбан ашы үтте. Авылыбыз мулласы Нияз хәзрәт коръән сүрәләрен укып, яхшылыкка өндәп вәгазь укып, изге теләкләрен теләде.

Бүген беренче чирек нәтиҗәләре буенча ата-аналар җыелышы узды. Көн тәртибендә: нәтиҗәләр, балалар иминлеге, алдагы бурычлар.

Тиздән иң җылы, изге көннәрнең берсе- әниләр көне җитә. Шул уңайдан мәктәптә әзерлек эшләре башланды. Укучылар арасында рәсем һәм иншаларга конкурс үткәрелә.

Бүген безнең мәктәп базасында укытучылар арасында баскетбол ярышының зона туры узды. 7 команда ярышты.

Фән олимпиадалары башланганга 4 көн, безнең 5 призлы урыныбыз бар.

12-15 ноябрь көннәрендә Казанда республиканың Яшьләр эшләре, спорт һәм туризм министрлыгы, "Идел" яшьләр үзәге оештырган XI "Иделем акчарлагы" яшь язучылар бәйгесенең йомгаклау туры узды. 3 көн барган бу бәйгедә безнең Сөмбел катнашты, "Проза" номинациясендә югары нәтиҗәләргә ирешкәне һәм 3 урынга лаек булганы өчен Диплом белән бүләкләнде. Котлыйбыз һәм алда зур уңышлар телибез!

Бүген 60 тан артык укучы "Нарат" боз сараенда булды. Барыбызга да тимераяклар җитте. Күңелле музыка астында шудык, яңа танышлар таптык, вакытны файдалы һәм күңелле үткәрдек.

Бүген бер төркем укучылар Рушания Бакиевна һәм Нияз Расимович җитәкчелегендә бассейнга барып җәйне искә төшереп кайтты.

Каникуллар чорына планлаштырылган чаралар дәвам итә. Бүген 7,8 класс укучылары өчен  татар халык уеннарын искә төшерү булды.  (сыйныф җитәкчеләре Вәлиева Ф.Ш., Хилалутдинова М.С.)