Сыйныф җитәкчелеге атналыгы башлану уңаеннан һәр сыйныф җитәкчесе сыйныф сәгатьләрендә класстан тыш чаралар үткәрә. Бүген 1-3 класс сыйныф җитәкчесе Хафизова Г.Р. "Кояш,су,һава-безнең якын дуслар" темасына класстан тыш чара уздырды. Укучылар бергәләп табышмаклар, викториналар чиштеләр,дәрестә актив катнашып утырдылар.

7-9  класс сыйныф җитәкчесе Әхмәтҗанова А.Ә."Сәламәтлек иленә сәяхәт" темасына сыйныф сәгатендә класстан тыш чара уздырды.Укучылар сәламәт яшәү рәвеше алып бару буенча күп  мәгълүмат  алдылар.

Язның беренче бәйрәме 8 март халыкара хатын-кызлар бәйрәме якынлашу уңаеннан   укучылар әниләренә, укытучыларына, дәү әниләренә бүләкләр әзерли башладылар.

Укытучы- логопед дәресләр уздыруда күрсәтмә җиһазларны  киң куллана. Бу алым укучыларның дәрескә булган кызыксынуларын гына арттырып калмый, аларның хәтерләрен дә ныгытуга зур файда бирә.

Бүген 4 класс укучысы Рөстәмне  үзенә генә хас бәйрәме, туган көне белән  классташлары һәм дуслары котлады. Һәрберсе үзләренең изге теләкләрен җиткерде.

Җырлый белми бөркетләр,

Сугыша белми былбыл,

Җырдан сызланмый бөркетләр,

Сугышта үлми былбыл.

Муса кайсы шул кошларның

Җанына сыйган Җир,Күк...

Сугыша белгән былбыл ул.

Һәм җырлый белгән бөркет.

Тәрбиячеләр "Синең каршыңда башым иям" исеме астында герой-шагыйрь Муса Җәлилгә багышланган тәрбия сәгате уздырдылар.

 Ватанны саклаучылар көне уңаеннан укучы кызларыбыз  ир-егетләребезгә бүләккә  открыткалар  ясадылар.

Бүген мәктәп укучылары Көек авылында яшәүче сугыш ветераны Гәйфиев Шаһи бабай  белән  очрашты. Шаһи бабай укучыларга үзе узган сугыш еллары  хатирәләре турында сөйләде.Укучыларның сорауларына җавап бирде. Бу  очрашу барыбыз күңелендә тирән эз калдырды. Очрашу соңында укучылар "Казан- сугыш елларында" документаль фильмын карадылар.

Патриотик атналык кысаларында үткәрелгән троеборье (тартылу,идәннән этелү,скакалка сикерү) ярышында катнашучы укучы егетләр арасында беренче урынны  Абгарьян Артур,икенче урынны Исламов Айнур,өченче урынны Афанасьев Риналь алды.

Волонтерлык хәрәкәтен дәвам итеп ,сугыш һәм тыл ветераннарына ихтирам йөзеннән, бүген мәктәп укучылары тәрбияче апалары белән Кызыл Мишә авылында яшәүче Тәслимә әбигә утын ташырга бардылар.