Ял сәгатендә егетләр төркеме "Русское лото" уены уйнадылар. Уен бик кызган төстә барды. Җиңүчеләр дә билгеләнелде. 1 урында 6 класс укучысы Алмаз, 2 урынны 6 класс укучылары Дәниф белән Айнур бүлештеләр. 

Башлангыч сыйныф укытучылары  укучылар белән берлектә  "Әкияттә кунакта" кичәсе оештырдылар. Кичә "Шалкан" әкиятен сәхнәләштерү белән башланып китте.  "Булсаң зирәк-әйт тизрәк!" викторинасында укучылар бик актив катнаштылар. Әкиятләрне яратып укулары аларның дөрес  җавап бирүләреннән  күренеп торды. Кичә соңында укучылар "Бикбатыр һәм Биккуркак" әкиятен карадылар.

3класс  һәм 4 класс укучылары "Могҗизалар кыры" уенында яратып катнаштылар,уенда җиңүчеләр бүләк тә алдылар.Уен яшелчәләр темасына багышланган иде.  Супер уенда дөрес җавап биреп 4 класстан Рөстәм җиңүгә иреште. 

Көнкүреш хезмәте дәресләрендә укучылар көндәлек көнкүреш хезмәтләре башкарырга,әхлак тәрбиясенә һәм үз-үзенне тоту кагыйдәләренә өйрәнәләр. Укытучылары Алсу Әдһәмовна дәресләрне укучыларга кызыклы һәм аңлаешлы булсын өчен  уен формасында уздыра. 

4 класс  укытучысы Нурия  Корбангалиевна башлангыч класс укучылары арасында "Көчлеләр,уңганнар,җитезләр,шаяннар" исеме астында күңелле стартлар уздырды.Уен сәламәтлек турында әңгәмә,мәкальләр,табышмаклар әйтү  белән башланып китте. Уенчылар ике командадан тордылар. "Төз атып тидерү","Туп тәгәрәтәбез", "Басма аша уз","Туплы эстафета" уеннарын укучылар яратып уйнадылар. Уен дуслык җиңүе белән тәмамланды.

Мәктәбебезнең медик хезмәткәре Эльмира Ильфаровна башлангыч сыйныф укучылары белән  "Сәламәт яшәү рәвеше-һәр гайләнең нигезе" темасына әңгәмә үткәрде. Әңгәмәдә көндәлек режим, шәхси гигиена,дөрес туклану,физик активлык, ял итү, чыныгу, начар гадәтләргә бирешмәү турында презентация күрсәтелде. Укучыларның белемнәре викторина уены аша тикшерелде.Әңгәмә соңында "Как сохранить зубы" темасына мультфильм карадылар.

Бүген 1-3 класслар укытучысы Гөлфия Рахимҗановна башлашгыч класс укучылары арасында "Кызыклы математика иленә сәяхәт" темасына класстан тыш чара үткәрде.Чарада оештырылган"Кызыклы санау", "Лото", "Лабиринт","Аерманы тап" математик  башваткычларда укучылар  актив катнаштылар, үзләренең белемнәрен күрсәттеләр. Математик биремле рәсем буяу аларга  аеруча ошады. "Чиста дәфтәрләр тотылышы" конкурсына да укучылар  алдан тырышып әзерләнделәр.

Наша школа участвовала на четвертой региональной  выставке декаративно-прикладного творчества детей с ОВЗ "Время колокольчиков" . Все участники выставки были награждены дипломами  и сертификатами.

Мәктәбебездә башлангыч сыйныфлар атналыгы башланып китте.  Шул уңайдан 2 класс укытучысы Чулпан Фәизовна башлангыч класс укучылары белән "Табигатьне сакла,ярат!" темасына дәрес-викторина уздырды. "Терек.Терек түгел" темасына презентация, уен оештырды. Укучылар "Мине таны", "Табышмак әйтәм-тыңла!", "Дүртенчесе артык","Зоопаркта", "Бу дөресме?" уеннарында кызыксынып һәм яратып катнаштылар. "Кошларга ярдәм ит!" акциясе кысасында  укучылар бергәләп кошларга  җимлекләр ясап  элделәр.

Балаларның  туган көннәрен үзенчәлекле һәм истә калырлык итеп үткәрергә тырышабыз. 6 класста укучы кызыбыз Гөлназны,7класста укучы кызыбыз Айгөлне  укытучылары,тәрбиячеләре, дуслары котлады һәм бүләкләр тапшырды. Кичен туган көн ияләре хөрмәтенә дискотека оештырылды.