Буген бакчабызда Корбан ашы үткәрдек. Эзмә авылы хәзрәте Илҗнур абый бакчабызга килеп, вәгазь сөйләде. Ильнур абыйга рәхмәтләребезне җиткерәбез.

   Зурлар төркеменә йөрүче балалар бүген үз гаиләләрен ясадылар һәм әлеге рәсемнәр буенча конкурс оештырылды. 

Дөньядагы барлык балалар да бер телдә -“уен” телендә аралашалар. Катлаулы һәм шул ук вакытта күптөрле булган дөньяны аңларга уен ярдәм итә. Уен вакытында балаларның  эмоцияләре, хисләре, акыл үсеше, уйлап чыгару сәләте, җитезлеге, аралашу культурасы формалаша. Туу белән бала кулына алган һәр предметны төрле яклап карый, уйный, өйрәнә. Ә ныклы һәм куркыныч булмаган уенчыклар һәм LEGO конструкторлар балаларга төрле эксперементлар ясарга, сәләтен күрсәтергә ярдәм итә. LEGO - латинчадан тәрҗемә иткәндә “мин уйныйм” дигән мәгънәне аңлата. LEGO конструкторлар күп функцияле, төрле формаларга китерә ала торган белем бирү материалы булу сәбәпле безнең балаларның яраткан уенчыкларының берсенә әйләнде. Киләчәктә безнең бакчада да гади LEGO уеннары белән бергә LEGO WeDo роботехникасы да булдырылыр эле.

 Зурлар төркеменә йөрүче балалар сәяхәтләрен һава шарына утырып дәвам иттеләр һәм һәр бала үз шарын ясап та күрсәтте.

 Зурлар төркеменә йөрүче балалар су асты патшалыгына сәяхәт ясадылар. Алар су асты дөньясы белән таныштылар, матурлыгына рәсемнәрдән һәм видеодан карап сокландылар. Ахырдан йомгаклап, үз куллары белән кәгазьдән кисеп, медузалар ясадылар.

Бүген кечкенәләр төркеменә йөрүче балалар тырышып светофорлар ясадылар, юл йөрү кагыйдәләрен искә төшерделәр, кабатладылар.