Сегодня педагогом-психологом ППМС службы "Семицветик" проведены тренинги в 8,9,10,11 классах на тему "Жизненные ценности", а в 9-11 классах "Психологическая готовность к ГИА,ЕГЭ.

Мәктәбебез укучылары Зәлия Әхмәдиева, Әдилә Галиева, Илдус Нәгыймов, Инзил Сафиуллин бүген Казан шәһәрендә Абдулла Алиш исемендәге гимназиядә "Абдулла Алиш эзләреннән" дип аталган регионара фәнни-практик конференциядә катнашып, лауреат исеменә лаек  булдылар (җитәкчеләре Мифтахова В.Х., Хадиева Г.Ә.). Чын күңелдән котлыйбыз!

Башлангыч сыйныф укучылары арасында "Прививкалар турында безнең белемнәр" дип аталган рәсем конкурсы уздырылып, их яхшы дип табылганнары күргәзмәгә куелды.

XVI Районкүләм "Сәләтле балачак-өметле киләчәк" балалар иҗаты фестиваль конкурсында катнашып, "Гамәли сәнгать" номинациясендә Гөлсирә Рәшитовна җитәкчелегендәге коллектив эш 3нче урынга лаек булды, ә "Остаз" номинациясендә өстәмә белем бирү педагогы Гөлсирә Рәшитовна җиңүче булды. Аларны чын күңелдән котлыйбыз!

Сегодня в нашей школе были проведены мероприятия, приуроченные к 15-летию реализации принципов Хартии Земли в Республике Татарстан.

"Язгы изгелек атнасы" планы нигезендә бүген мәктәбебезнең 11нче сыйныф укучылары сугышта һәлак булган авылдашларыбыз истәлегенә куелган һәйкәл тирәсен җыештырып, чәчәкләр утыртып кайттылар.

22 апрель - Җир көне уңаеннан мәктәбебездә өмә үткәрелде: барлык территорияләр яхшылап җыештырылды, теплицага үсентеләр күчереп утыртылды.Шулай ук укучыларыбыз белән чишмә һәм һәйкәл яннары да тәртипкә китерелде. 

Бөек шагыйребез Габдулла Тукайның 130 еллыгы уңаеннан мәктәбебездә план буенча чаралар үткәрелеп бара. Бүген шундый  чараларның берсе - мәктәп күләмендә "Тукай сүнмәс йолдыз ул!" дип аталган зур кичә үткәрелде. Әлеге кичәне татар теле һәм әдәбияты укытучылары Вәсилә Хәмитовна һәм Гөлнара Әхмәтовналар оештырды. Һәр сыйныф Тукайның берәр әсәрен сәхнәләштерде. Кичә нәфис сүз, Тукай шигырьләренә иҗат ителгән җырлар белән үрелеп барды.Кыскасы, әлеге кичәгә һәркем ныклап әзерләнгән иде.

"Язгы изгелек атнасы" планы нигезендә бүген педагог-оештыручы Зиганшина Н.С. "Без-табигать баласы" дигән сыйныфтан тыш чара күрсәтте. Укучылар тукталышлар буйлап сәяхәт иттеләр.Урман,елга, чишмә, болыннарда булып, аларның кешегә  файдасы һәм аларга карата сакчыл карашта булырга кирәклеген аңлаттылар.

Бүген "Язгы изгелек атнасы" һәм "Спортивный Татарстан" акциясе планы буенча мәктәптә чаралар үткәрелде. Укучылар һәм укытучылар үзебезнең җирлектә яшәүче авыру балага ярдәм йөзеннән, макулатура җыеп тапшырдык. Физкультура укытучысы Галиев А.Г. укучыларга үзенең спорттагы ирешелгән уңышлары, спортта нәтиҗәләр күрсәтү өчен нинди булырга кирәклеген аңлатып, эчтәлекле чара үткәрде, укучыларның сорауларына җаваплар бирде. Укучыларыбыз зур кызыксыну белән Азат Гыйльмулловичның медальләрен, кубокларын карадылар.