22 февральдә, бәйрәмне каршылап, мәктәбебездә "Орленок" уены оештырылды. Җитәкчеләре: ОБЖ укытучысы Галиев И.У. һәм тәрбия эшләре буенча директор урынбасары Әхмәтҗанова Л.М. Бу бәйрәм бик оешкан формада, җылы атмосферада үтте. Һәр класстан чакырылган ветеран солдатларбыз да, бу бәйрәмнән читтә калмады. Гимн белән башланып китеп,флаг күтәрелгәндә, күзләребезгә яшьләр дә килде. 10 һәм 11 нче сыйныф укучылары да хәрби киемнән бик матурлар иде. Алар арасында төрле конкурслар уздырылды: автоматтан ату, яралыларны сугыш кырыннан алып чыгу, противогазлар кию, бәрәңге чистарту... Булачак солдат нәрсә эшләргә тиеш- барысы да укучыларыбызның башларыннан үтте. Бу конкурслар концерт номерлары белән үрелеп барды. Фәрхуллина Гүзәл (8а кл.) һәм Батыршова Людмиланың (10а кл.) биюләре беркемне дә битараф калдырмады.Ә 6а классы егетләренең "Три танкиста" ңырына бөтен зал кушылды. Кунакка чвкырылган һәр ветеран солдат турында мәгълүматлар бирелде, аларга кечкенә генә бүләкләр дә тапшырылды. Бу бәйрәмнең шулай оешкан формада үтүендә сыйныф җитәкчеләре Зияева С.К, Нәҗметдинова Ф.Ф, музыка укытучысы Шарипов А.Н.-ларның да өлешләре зур. Ә калган укытучыларыбыз үз сыйныфлары белән бик актив тамашачылар булды. 10а сыйныфы укучылары җиңүне яулады һәм кичә тәмамланганда флагны төшерү дә аларга йөкләнде.