"Гашыйклар көне" 14 нче февральдә булса да, бу бәйрәм мәктәбебездә 18ендә үткәрелде."Һәркайсыбызның: "Эх, яратасы иде, сөясе, сөеләсе иде",- дигән хисләргә ташкан чагы була. Алмагач та алмалары пешә башлагач, хуш исле алмаларын җиргә ыргытып, җил белән шаяра башлый, шомырт та чәчәк ата, сандугачлар сайраша, чияләр дә вакыты җиткәч кызаралар, тулышып матураялар. Без - кешеләр дә шулай. Без дә, гашыйк булгач, матурлык тойгыларына чумабыз. "Без нинди бәхетле!" - дибез.Мәхәббәт кешене матур итә, яшәргә көч бирә."-дигән сүзләр белән башланып китте кичәбез.

"Аерылган" йөрәкләр бер-берсен табып, төрле уен, конкурсларда актив катнашты.  Ямь өстенә ямь өстәп, бу чарадан  укытучылар да читтә калмады. Петрова Г.Р.һәм Яковлева А.И. хасил иткән пар, безне,тамашачыларны, көлдертте дә, елатты да...Идеаль пар булып, әлбәттә, алар саналды.Ләкин матур йөрәк формасындагы тәмле торттан барлык гашыйклар да авыз иттеләр. Бәйрәм дискотека белән дәвам итте. Бәйрәмебез  укучыларның күңеленә бик хуш килде.