Афганистанда хезмәт иткән интернационалист сугышчыларны искә алу 15 нче февральдә билгеләнергә тиешле булса да, мәктәбебездә чара бүген, ягъни, 14 нче февральдә, уздырылды. ОБЖ укытучыбыз Галиев И.У. линейканы кереш сүзләр белән башлап җибәрде. Интернационалист сугышчылар турында тулы мәгълүмат бирде. Тарих укытучысы Шакирова Ә.М. Афганистан тарихына, анда илебезне саклап көрәшкән солдатларыбыз тормышына игътибарыбызны юнәлтте. Мәктәп балалар Думасына сүз бирелеп, алар бу чарага нәтиҗә ясадылар. Бу чараның югары ноктасы булып, Афганистанда һәлак булган Шәйдуллин Фердинанд каберлегенә барып, чәчәкләр салу булды.