"Туган як серләре" республика конкурсының "Беренче пионерлар" номинациясенә әзерлек чорында, 6 нчы сыйныф укучылары, педагог-организатор А.И.Яковлева һәм "Тимурчылар командасы" рәисе Батыршова Анна белән мәктәбебезнең беренче пионерлары, безнең карамакта булган пенсионерлар Владимир Семенович, Зоя Павловна Петровлар белән очрашуда булдылар. Алар укучыларга мәктәбебезнең беренче артекчылары, пионерлары ,аларның эшләре турында рәхәтләнеп сөйләделәр. Балалар үзләрен кызыксындырган сорауларын бирделәр. Петровлар шул чордагы альбомнарын күрсәттеләр. Чәй эчә-эчә, әңгәмә бик оешкан формада түгәрәк өстәл артында узды. Укучылар да, өлкәннәребез дә бу очрашудан бик канәгать калдылар.