Сез өлкәннәр – йортның бизәге.

Сез өлкәннәр тормышка җан биргән

Гаиләнең терәк тоткасы.

Гомер юлларында адашканга

Йортта бер таяну ноктасы.

Без 10 ”Б”,10 “А”, 7 “А” сыйныф укучылары , тәрбиячеләр Маканова М.М.,Рамазанова Г.Х., Гайсина Л.Р., педагог – оештыручы Мухаметзянова Р.Х., инвалидлар декадасы уңаеннан Лесхоз картлар йортына концерт белән бардык. Матур җырлар башкардык, биедек,шигырьләр сөйләдек. Соңыннан без андагы өлкәннәр белән аралаштык, аларның язмышлары белән кызыксындык.Картлар йортының җитәкчесе Илхам Хашим улы, андагы хезмәткәрләр, тәрбиячеләр, пешекчеләр безне җылы каршы алдылар, чәй , тәмле коймак белән сыйладылар.

Кичәбезне Лесхоз бистәсендә яшәүче Сәрия Хафизованың шигырен дәвам итет тәмамладык.

Өлкән буын бит ул кул көченнән

Сука тарткан, иген үстергән,

Тәм – томнарның ни икәнен белми,

Үлән, юа ашап көн күргән.

Окоптамы, иген кырындамы

Булгансыз сез алгы сафларда,

Якты тормыш өчен армый – талмый

Эшләгәнсез авыр чакларда.

Картлык шатлык түгел,ә шулай да,

Сез өлкәннәр йортның бизәге.

Шул тормышта кадер – хөрмәт белән

Озын – озак яшәгез әле!

Без өлкәннәрне ял иттерә алуыбызга сөендек,безнең белән очрашу аларның күңелләренә куаныч – шатлыклар өстәде. Алар безне күз яшьләре аша нур сирпеп озатып калдылар.

Кичә тәмамлангач истәлеккә фотога төштек.

Икшермә кадет интернат-мәктәбенең 10 “Б” сыйныф укучысы Галиева Язилә.

Фото 1

Фото 2

Фото 3