“Кояшкай” балалар сәламәтләндерү лагере инде егерме көнләп үзенең эшчәнлеген дәвам итә. Кадет лагеры булганлыктан безнең төп тәрбия чарасы булып патриотик тәрбия тора.  Лагерь вакытында безнең мәктәбебездә урнашкан ату бүлмәсе – ТИР даими эшләп килде. Балалар автомат калашников төзелешен өйрәнделәр һәм аны тизлеккә сүтеп җыйдылар. Шулай ук пневматик мылтыктан ату ярышлары оештырылды. Балалар бу ярышларда бик теләп катнаштылар. Җиңүче балаларга истәлекле бүләкләр тапшырылды.