Авыл җирлекләре арасында якташыбыз Шәүкәт Биктимеров истәлегенә багышланган театр фестивале уңаеннан Иске Икшермә авыл җирлеге үзэшчәннәре көче белән хәзерләнгән Флорид Бүләковның "Әбиләргә тагын ни җитми?!" моңсу комедиясе сәхнәгә куелды.Укытучылар составыннан торган " артистларыбыз" сәхнәдә үзләрен бик иркен тоттылар.Чын артистлар диярсең үзләренә! Спектакльне караган Кибәче, Арташ, Икшермә халкы да бик яратып калды аларны. Артист - укытучыларыбыз  Петрова Гөлшат, Фархуллина Гөлзада, Мөхәммәтҗанов Рөстәм, Маканова Мәдинә, "Тургай" приютының директор урынбасары Загидуллина Лилия, ата-аналар комитетыннан Закирова Гөлия, китапханәче Зәгъриева Сәүнәрияләргә чиксез рәхмәтебезне белдерәбез һәм уңышлар телибез.