Башлангыч сыйныф укытучысы Гарифуллина З.З. үз классы белән "Театр яктылыкка, нурга илтә..." дигән класс сәгатен күрсәтте.  Чакыру билетлары белән башланып китте дәрес. Балалар "залда"  үз урыннарын алгач,  укытучы презентация  белән таныштырды. Монда безнең илдәге бер генә театр да читтә калмаган иде. Укучылар күңеленә хуш килә торган "Күләгәләр" һәм "Курчак " театрларына  Зөһрә Зуфаровна  басымны күбрәк ясады. Балалар сыйныф җитәкчесенә бергәләп театрга бару турында сүз кузгаттылар. Аларның бу теләкләре чынга ашар дип ышанасы килә. Ә дәрес материалга бай һәм укучылар күңелендә урын ала торган дәрес иде.