...Көз! Алтын көз! Көз турында тагын әллә нинди матур сүзләр язып булыр иде. Ләкин үзе шикелле матур итеп аның турында беркем дэ әйтәлмәс шул. Шундый матур көннрнең берсендә,ягъни, 11 нче октябрьдә, мәктәбебездә "Осенний калейдоскоп" кичәсе үтеп китте. Башка елларны бу бәйрәм бал буларак үтә иде. Ә быелгы көз бәйрәмен мәктәп стадионында уздырырга булдык. Бу чараны да  мәктәп Думасы үз кулына алды. Аның инициативасы белән, "Үзидарә дәвам итә!" дигән девиз астында уеннар станцияләр буенча алып барылды.Һәр класс үз станциясендә туктап күңел ачты, ял итте. Класслар арасында "Иң матур өстәл", "Иң шәп ризык", "Иң матур көзге букет" дигән конкурслар да игълан ителгән иде. Һәр номинациядә дә укучылар теләп катнаштылар, аларны бер-берсеннән аерып алуы да авыр иде. 

   Бу яңа формада уздырылган көз бәйрәме барыбызның да күңеленә хуш килде, алдагы елларда да  нәкъ шулай итеп үткәрергә  кирәк дип нәтиҗә ясалды.